Martin Cooper

Na Galipedia, a Wikipedia en galego.
2007Computex e21Forum-MartinCooper.jpg

Martin Cooper, nado en Chicago, Illinois, en 1928, é considerado o pai do teléfono móbil. Cooper é o fundador de ArrayComm, unha compañía que traballa na investigación de antena intelixente e a mellora da tecnoloxía inarámica de redes. Foi o director corporativo de Investigación e Desenvolvemento de Motorola. Recibiu a súa licenciatura en enxeñaría eléctrica do Instituto Tecnolóxico de Illinois en 1950 e recibiu o seu título de mestría da mesma institución en 1957.