Manuel Mosquera

Na Galipedia, a Wikipedia en galego.
Saltar ata a navegación Saltar á procura
Manuel Mosquera
Información persoal
Nome Manuel Alfredo Mosquera Bastida
Nacido 10 de agosto de 1968 (52 anos)
Lugar A Coruña
Posición Dianteiro
Información de club
Club actual Extremadura (adestrador)
Carreira sénior
Anos Equipos Aprs (Gls)
1989–1991 Deportivo da Coruña 21 (1)
1991–1996 Extremadura 171 (61)
1996–1998 Compostela 51 (3)
1998–2005 Extremadura 261 (39)
Adestrador
Cerceda (xuvenil)
Cerceda B
Laracha
2014–2016 Deportivo B
2019– Extremadura
Partidos e goles só en liga doméstica.

editar datos en Wikidata ]

Manuel Alfredo Mosquera Bastida, nado na Coruña o 10 de agosto de 1968, é un ex futbolista e actual adestrador de fútbol galego.

Xogaba de dianteiro e desenvolveu a maior parte da súa carreira no CF Extremadura, onde xogou 13 tempadas e marcou 109 goles, o que o coloca como o máximo goleador da historia do club. Actualmente adestra o Extremadura UD, sucesor do desaparecido equipo estremeño.

É pai do tamén futbolista Manu Mosquera.

Traxectoria[editar | editar a fonte]

Na tempada 1989–90 xogou no Deportivo da Coruña, en Segunda División, logrando o ascenso a tempada seguinte. No club coruñés participou en 22 encontros e anotou 1 gol. Na tempada 1991–92 fichou polo CF Extremadura, de Segunda División B, conseguindo o ascenso á Segunda na 1993/94 e á Primeira na 1995/96. Na tempada 1996–97 foi contratado pola SD Compostela, en Primeira División. Permaneceu dúas campañas no club santiagués, no que participou en 60 partidos e marcou 4 goles.

Na tempada 1997–98 volveu ao CF Extremadura, club no que permaneceu até a campaña 2004–05. Na súa primeira campaña desta segunda volta no club estremeño logrou un novo ascenso a Primeira División, descendendo ao final do curso. Na tempada 2001–02 o club descendeu a Segunda División B. Durante as súas dúas etapas e trece tempadas no Estremadura, disputou un total de 479 partidos e marcou 109 goles,[1] converténdose no máximo goleador da historia do equipo.[2]

Adestrador[editar | editar a fonte]

A partir de 2005 actuou como adestrador do Centro Cultural e Deportivo Cerceda na Terceira División.[3]

En xuño de 2014 anunciouse como substituto de José Luis Devesa á fronte do Deportivo B, en Terceira División.[4] Permaneceu no club coruñés dúas tempadas con bos resultados, clasificando ao equipo para a fase de ascenso nas dúas ocasións, aínda que sen conseguir subir de categoría. En 2016, deixou o posto de adestrador do Fabril pero seguiu ligado á entidade branquiazul, como adxunto á dirección deportiva do club, traballo que compaxinou coa dirección da escola de adestradores da Federación Galega.[5]

O 27 de febreiro de 2019 abandonou a secretaría técnica do club galego e asinou como novo adestrador do Extremadura Unión Deportiva. O técnico coruñés regresou a Almendralexo co obxectivo de lograr a permanencia na Segunda División. Logrou dito obxectivo 2 xornadas antes do remate da tempada, despois de empatar a 0 ante o CD Lugo no Francisco de la Hera.[6] Na tempada seguinte o club descendeu á Segunda División B, mais con todo o presidente anunciou que o adestrador coruñés continuaría á fronte do equipo na seguinte campaña.[7]

Notas[editar | editar a fonte]

  1. "Partidos de Manuel Mosquera". www.bdfutbol.com (en castelán). Consultado o 4 de agosto de 2020. 
  2. "El histórico Manuel Mosquera regresa al Francisco de la Hera como técnico" (en castelán). 27 de febreiro de 2019. Consultado o 4 de agosto de 2020. 
  3. "Manuel Mosquera sustituye al destituido Sorbet en el Cerceda". La Voz de Galicia (en castelán). 2 de abril de 2007. Consultado o 4 de agosto de 2020. 
  4. Manuel Mosquera releva a José Luis Devesa al frente del Fabril; Deportivo da Coruña, 18 de xuño de 2014 (en castelán)
  5. Centeno, Alexandre (18 de xuño de 2016). "Manuel Mosquera reforzará la dirección deportiva del Dépor". La Voz de Galicia (en castelán). Consultado o 4 de agosto de 2020. 
  6. "El Extremadura logra la permanencia y condena al Lugo al sufrimiento" (en castelán). 26 de maio de 2019. Consultado o 4 de agosto de 2020. 
  7. "Oficial: Manuel Mosquera seguirá en el Extremadura" (en castelán). 3 de agosto de 2020. Consultado o 4 de agosto de 2020. 

Véxase tamén[editar | editar a fonte]

Ligazóns externas[editar | editar a fonte]