Mallorquino

Subdialectos falados nas Illas Baleares.

O mallorquino (en catalán: mallorquí) é un dialecto do catalán falado na illa de Mallorca, subdialecto do catalán balear. Trátase dun dialecto consecutivo formado pola colonización dende a zona do catalán central.

A súa característica principal, compartida cos outros subdialectos insulares, incluído o alguerés, é o arcaísmo, debido a que o seu territorio é insular e ademais unha área lateral. Non obstante, esta posición tamén favoreceu a aparición de dialectalismos activos.