Los 15 hermanos
Los 15 hermanos | |
---|---|
Localización | Rúa Alcalde Usero, Ferrol, (A Coruña) Galicia |
Industria | Alimentación |
Produtos | Gaseosas, refrescos e sifóns |
[ editar datos en Wikidata ] |
Los 15 hermanos foi unha empresa galega de alimentación de Ferrol adicada ás bebidas e refrescos[1]. Foi unha das máis coñecidas da zona xunto con manancial de Lanzós. Na zona de Ferrol chegou a haber 16 marcas de gaseosas[2].
Empresa[editar | editar a fonte]
O nome da empresa: Los 15 hermanos, ven dos 15 irmáns que formaban e traballaban no negocio familiar. Tiña a súa sede na rúa Alcalde Usero, no barrio do Inferniño de Ferrol onde producía gaseosas e refrescos de sabores así como sifóns. O seu mercado como empresa estaba en Ferrol e na zona máis próxima da ría de Ferrol e chegando ata As Pontes de García Rodríguez sendo unha marca moi coñecida.
O seu logo era un sinxelo e chamativo cartel metálico de cor azul de 50 cm x 35 cm formado co nome Los 15 hermanos e 15 siluetas en amarelo que se podían ver nas portas das tendas[3]. A empresa desapareceu do mercado a principios dos anos 1990 pola chegada das grandes superficies cas súas distribuidoras, a competencia das grandes marcas, a desaparición das pequenas tendas de barrio e o troco das botellas retornables ás botellas dun só uso.
Marcas de gaseosas da zona de Ferrol[editar | editar a fonte]
- En Ferrol:
- La Barca
- Aullón
- Pibal
- Los 15 Hermanos
- La Pilarica
- Mugardos
- Zárate
- La Pitusa
- La Deliciosa
- Valdoviño
- Lanzós
- Cedeira
- Arribí, actualmente a empresa adícase á venda de empanadas galegas.
- Ortigueira
- Lagarea
- Fene
- Calviño
- La Moderna
- Yris
- La Casera
- Narón
- J.Montero, a empresa segue na venda de refrescos.
- Neda
- Aguas de La Basana
Notas[editar | editar a fonte]
- ↑ Imaxe dun dos camións da empresa
- ↑ "Cuando Ferrolterra era 'Gaseosalandia' . elcorreogallego.es". Arquivado dende o orixinal o 19 de agosto de 2014. Consultado o 05 de maio de 2013.
- ↑ Gaseosa "los 15 hermanos"