Loita Revolucionaria
Loita Revolucionaria (en grego: Επαναστατικός Αγώνας, Epanastatikos Agonas) é un grupo paramilitar grego da extrema esquerda coñecido polos seus ataques contra edificios do goberno grego e a embaixada estadounidense en Atenas. Tanto o goberno grego como os medios de comunicación descríbeno coma un grupo terrorista.
Os ataques entre 2003 e 2007[editar | editar a fonte]
A primeira aparición do grupo foi en 2003 cun ataque con bomba no complexo dos xulgados de Atenas, seguido dos ataques en 2004 contra o ministro de traballo grego e autobuses da policía. O 22 de decembro de 2005 o grupo publicou un manifesto na revista satírica grega To Pontiki no que se definían como revolucionarios, anti-globalización e anti-estadounidenses. En xaneiro do 2007, unha chamada anónima que dicía formar parte do grupo atribuise o ataque realizado cun mísil contra a embaixada dos EE.UU en Atenas. Despois do ataque con mísil do 12 de xaneiro do 2007, as autoridades gregas identificaron o grupo como unha escisión da Organización Revolucionaria 17 de novembro.
Declaración de 2007[editar | editar a fonte]
Nunha declaración publicada na To Pontiki o 25 de xaneiro, Loita Revolucionaria admitiu a autoría do ataque contra a embaixada alegando que o "golpe foi a nosa resposta á guerra criminal contra o terrorismo que os EE.UU desataron por todo o planeta ca axuda doutros estados compañeiros de viaxe".
Designación terrorista[editar | editar a fonte]
A Unión Europea engadiu LR á súa lista de organizacións designadas como terroristas o 29 de xuño de 2007.
Implicacións en 2009[editar | editar a fonte]
En xaneiro do 2009 a policía grega fixo público que os seus tests de balística amosaba que a arma utilizada por LR no atentado do 30 de abril de 2007 fora usada de novo o 5 de xaneiro de 2009 no tiroteo dun oficial de policía. Unha segunda arma usada o 5 de xaneiro foi relacionada pola policía co ataque do 23 de decembro de 2008 contra un autobús da policía. Segundo as informacións este ataque foi recoñecido por un grupo autodenominado Acción Popular (Λαϊκή Δράση, Laiki Drasi), en resposta ós disturbios en Grecia de 2008.
Ataques de Loita Revolucionaria[editar | editar a fonte]
- 5 de setembro de 2003: ataque con bomba nun xulgado de Atenas.
- 5 de maio de 2004: ataque con bomba nunha oficina de policía en Atenas.
- 29 de outubro de 2004: ataque con bomba contra autobuses da policía grega.
- 2 de xuño de 2005: ataque con bomba contra un edificio do ministerio de traballo.
- 12 de decembro de 2005: ataque con bomba contra un edifico do ministerio de economía na Praza Syntagma de Atenas.
- 30 de maio de 2006: Intento de asasinato de Georgios Voulgarakis, ministro de cultura e ex-ministro da orde pública.
- 12 de xaneiro de 2007: Ataque con foguete contra a embaixada dos EE.UU en Atenas.
- 30 de abril de 2007: Disparos contra unha comisaría de policía en Nea Ionia, un barrio ás aforas de Atenas.
- 23 de decembro de 2008: Disparos contra un autobús que transportaba policía antidisturbios nos arredores da Universidade de Atenas.
- 5 de xaneiro de 2009: Disparos contra os policías que gardaban o edificio do Ministerio de Cultura en Atenas. Un policía antidisturbios foi ferido de gravidade no corpo e nunha perna. As armas sinalaban ás usadas nos tiroteos do 30 de abril de 2007 e do 23 de decembro de 2008.
- 18 de febreiro de 2009: Ataque infrutuoso con coche bomba contra as oficinas do Citbank no centro de Atenas.
- 9 de marzo, 2009: Ataque con bomba contra unha sucursal do Citibank nun barrio de Atenas.[1]
- 12 de maio de 2009: Ataque con bomba contra unha sucursal do Eurobank nun barrrio de Atenas.[2]
Nota: Nesta lista non se incluíron os ataques sen confirmar ou de dubidosa autoría.
Notas[editar | editar a fonte]
- ↑ Report: Greek terror group claims Citibank attacks. AP. 12 March 2009.
- ↑ "Copia arquivada". Arquivado dende o orixinal o 15 de maio de 2009. Consultado o 28 de outubro de 2009.
Véxase tamén[editar | editar a fonte]
Ligazóns externas[editar | editar a fonte]
- Loita RevolucionariaArquivado 28 de maio de 2014 en Wayback Machine.
- Loita Revolucionaria