Locus

Na Galipedia, a Wikipedia en galego.
(Redirixido desde "Loci")
Saltar ata a navegación Saltar á procura
Exemplo de loci do cromosoma 22. Nótase a división en dúas partes, que constitúen o brazo curto e o brazo longo do cromosoma. O punto que divide os dous brazos constitúe o centrómero.

En bioloxía un locus (plural loci) é unha posición fixa nun cromosoma, como a posición dun xene. Unha variante da secuencia de ADN en determinado locus denomínase alelo. A lista ordenada de loci coñecidos para un xenoma en concreto é un mapa xenético. O mapeado xenético é o proceso de determinar o locus para un certo trazo biolóxico.

As células diploides e poliploides que teñen o mesmo alelo nun locus do cromosoma son homocigotos para ese xene, mentres que as que teñen diferentes alelos nese locus son heterocigotos.

Nomenclatura[editar | editar a fonte]

Os locus cromosómicos dun xene pódense escribir "6p21.3".

Compoñente Explicación
6 O número do cromosoma.
p A posición está no brazo curto do cromosoma(p de petit en Francés); q indica o brazo longo.
21.3 Os números a continuación da letra representan a posición no brazo: banda 21, sub-banda 3. As bandas son visibles no microscopio cando o cromosoma está apropiadamente tinxido. Cada banda numérase empezando polo 1 pra banda máis preta ó centrómero. As sub-bandas e sub-sub-bandas vense a maior resolución

O rango de localizacións especifícase de forma similar. Por exemplo, o locus do xene OCA1 pode escribirse "11q1.4-q2.1", que indica o brazo longo do cromosoma 11, nun punto entre a sub-banda 4 da banda 1 e a sub-banda 1 da banda 2.

Os finais dos cromosomas etiquétanse como "ptel" e "qtel", e así "2qtel" refírese ó telómero do brazo longo do cromosoma 2.

Véxase tamén[editar | editar a fonte]

Outros artigos[editar | editar a fonte]