Libio Severo

Libio Severo

Nome orixinal	(la) Libius Severus
Biografía
Nacemento	420 Lucania, Italia (en)
Morte	14 de agosto de 465 (44/45 anos) Roma, Italia
Causa da morte	morte natural
Emperador romano de Occidente
novembro de 461 (Gregoriano) – agosto de 465 (Gregoriano) ← Maioriano – Antemio →
Senador romano
Actividade
Ocupación	político
Período de tempo	Imperio Romano
Outro
Título	Emperador romano

Libio Severo nun ás

Libio Severo foi emperador romano desde o ano 461 ao 465.

Coa morte de Maioriano, ábrese un interregno no que non hai candidatos para ser emperador. Ricimer convértese de xeito real no gobernante de Italia, que era o único territorio ao que fora constrinxido o Imperio Romano. Durante meses, dende agosto de 461, o trono esta baldeiro.

Teodorico II propón o seu candidato e como tal envía embaixadas a Oriente para que sexa aceptado. O mesmo fai o vándalo Xenserico, que propón o seu neto, xa que o seu fillo Henerico casara coa irmá de Honorio, Eudocia, raptada no saqueo de Roma. Porén, é Ricimer quen nomea en Rávena o novo emperador na persoa de Libius Severus, coñecido coma Serpentius e natural de Lucania. Foi un 19 de novembro do 461.

Pero León I propoñíase de tomar o control dos restos do Imperio de Occidente, e non recoñeceu este nomeamento, xa que tiña o seu propio candidato con Antemio, xenro de Marciano.

O seu reinado

Libio Severo estaba baixo o control total de Ricimer, que era de xeito quen controlaba o estado. Aínda que as posesións do Imperio estaban case limitadas a Italia, tivo que lle facer fronte á rebelión de Aegidus, partidario do emperador Maioriano, quen non recoñece o nomeamento e se rebela contra o novo emperador.

No 462, diríxese a Narbona para atopar unha alianza dos visigodos na loita contra Aegidus, e chega a un acordo co conde Agripino, rival de Aegidus. Este morre no 465 en Arles e a autoridade romana queda restaurada.

Poucas das accións ocorridas baixo o seu reinado son coñecidas, xa que a maior parte delas foron atribuídas a Ricimero, converténdose este emperador nun monicreque nas mans do xeneral ariano. Os ataques de parte dos vándalos ás costas de Italia por parte de Xenserico, para empurrar polo nomeamento do seu candidato Olibrio. A pesar das embaixadas enviadas a Oriente, non é recoñecido, e como os ataques dos vándalos contra as costas italianas continuaban, estas embaixadas eran imperiosas, xa que os ataques se estenden ao Peloponeso grego, o que fai que León I nomee como emperador do Oeste o seu candidato Antemio no 467. Pero antes, Libio Severo xa deixara de serlle útil a Ricimer.

A súa morte

A desaparición de Libio Severo ocorre no outono do 465. Non obstante, algúns historiadores romanos datan a súa morte en agosto, o día 15, aínda que tamén se observa que algunhas leis firmadas por el foron publicadas o 25 de setembro. Segundo Casiodoro, foi envelenado por Ricimer no seu Palacio de Roma, mentres que o historiador Sidonio Apolinar, case o seu contemporáneo, data a súa morte no 468 de xeito natural. O certo é que Libio Severo non deixou pegada ningunha e forma parte da lista dos emperadores sen sombra.

Véxase tamén

Ligazóns externas

• Moedas de Libio Severo

Imperio Romano
Segue a: Maioriano	Libio Severo (461-465)	Precede a: Antemio
	Imperio do Occidente