Leticia Cunqueiro Méndez
| Biografía | |
|---|---|
| Nacemento | 1981  (42/43 anos)Vigo, España |
| Datos persoais | |
| Educación | Universidade de Santiago de Compostela |
| Actividade | |
| Ocupación | investigadora |
 | |
Leticia Cunqueiro Méndez, nada en Vigo en 1981, é unha física galega. Acadou unha bolsa Consolidator Grant do Consello Europeo de Investigación (ERC) para desenvolver unha investigación sobre física de partículas no CERN de Xenebra. [1][2]
Traxectoria[editar | editar a fonte]
É profesora de Física na universidade Sapienza de Roma. É licenciada en Física pola Universidade de Santiago de Compostela e doutora en Física de Partículas pola mesma universidade en 2008.[3] Posteriormente realizou un posdoutoramento no Instituto Nacional de Física Nuclear de Italia, un posdoutoramento no CERN, e traballou no Laboratorio Nacional de Oak Ridge (Estados Unidos), na Universidade de Münster, en Alemaña e na Ecole Polytechnique de París.[1]
Traballou no experimento ALICE do CERN estudando chorros (‘jets’) de enerxía e en 2021 incorporouse ao proxecto CMS, outro dos grandes experimentos que operan no grande acelerador de partículas, onde desenvolverá a liña de traballo financiada pola bolsa Consolidator Grant para afondar na cromodinámica cuántica.
Publicou "A praia" no nº 228 de Grial (2020, tomo XVIII).
Notas[editar | editar a fonte]
- ↑ 1,0 1,1 Redacción (2020-12-14). "A física Leticia Cunqueiro, seleccionada na convocatoria Consolidator Grant". GCiencia. Consultado o 2020-12-18.
- ↑ Penelas, Sandra (2020-12-14). "La física de partículas viguesa Leticia Cunqueiro logra una Consolidator Grant de 1,8 millones". Faro de Vigo (en castelán). Consultado o 2020-12-18.
- ↑ penelas, sandra (2011-03-20). ""Hay mucha expectación y energía entre los científicos del gran acelerador"". Faro de Vigo (en castelán). Consultado o 2020-12-18.
