Lazo solidario
![O lazo vermello úsase en todo o mundo como emblema da loita contra a sida](http://upload.wikimedia.org/wikipedia/commons/thumb/6/64/Red_Ribbon.svg/120px-Red_Ribbon.svg.png)
Os lazos solidarios son pequenas fitas de tea, dobradas en forma de lazada, que se usan en distintas partes do mundo para indicar o apoio a unha causa social ou de solidariedade. As persoas que levan ese lazo na lapela expresan a súa solidariedade en relación a un problema determinado, que vén indicado por distintas cores. Aínda que en principio cada causa estaba en relación cunha cor, a proliferación de lazos solidarios ao longo e largo do mundo levou a que algunhas causas, como a loita contra o alzhéimer, empreguen lazos morados e lazos brancos, ou que unha mesma cor poida significar causa diversas: o lazo vermello pode representar loita contra a sida pero tamén loita contra a droga.
Os lazos comezaron sendo de pequeno tamaño e axeitados para prender na lapela da chaqueta ou no peito da camisa ou da camiseta. Porén, a expansión desta corrente levou a que se deseñasen variantes para prender nas antenas dos coches, ou que se producisen lazos de gran tamaño para pendurar de edificios públicos, árbores ou balcóns.
Lazos galegos
[editar | editar a fonte]Ademais dos lazos de uso internacional, en Galiza tivo especial incidencia o lazo negro, símbolo da protesta cidadá contra a xestión do afundimento do Prestige, en 2002.
Véxase tamén
[editar | editar a fonte]Ligazóns externas
[editar | editar a fonte]- Cores e significados dos lazos solidarios conforme Trinity London
- Cores e significados dos lazos solidarios conforme The Pin People
Lazo solidario•Lista de lazos | ||||
---|---|---|---|---|
Lazo azul ![]() |
Lazo vermello ![]() |
Lazo branco ![]() |
Lazo negro ![]() |
Lazo amarelo ![]() |
Lazo verde ![]() |
Lazo laranxa ![]() |
Lazo morado ![]() |
Lazo marrón ![]() |
Lazo rosa ![]() |