Lapu-Lapu (en Baybayin: ᜎᜉᜓᜎᜉᜓ, Lápú-Lápú) (fl. 1521) foi un gobernante de Mactan en Visayas. A sociedade filipina moderna considérao o primeiro heroe nacional xa que foi o primeiro nativo en resistirse á colonización española. É coñecido pola batalla de Mactan que ocorreu o 27 de abril de 1521, onde el e os seus soldados derrotaron a Fernão de Magalhães. A loita rematou coa morte de Magalhães[1] e o remate da súa expedición, o que supuxo a demora da ocupación española na illa durante cuarenta ano, até a expedición de Miguel López de Legazpi en 1564. Construíronse monumentos a Lapu-Lapu en Manila e Cebú, e os corpos de policía nacional de Filipinas e o servizo de protección de lumes empregan a súa imaxe.
