Lago Villarino
Lago Villarino | |
---|---|
Lago Villarino | |
Localización administrativa | |
Estado | Arxentina |
División | Provincia de Neuquén |
Localización xeográfica | |
Continente | América |
Cunca | río Negro |
Coordenadas | Coordenadas: 40°26′39″S 71°35′03″O / -40.4442, -71.5842 |
Características | |
Superficie | 6,5 km² |
Lonxitude máxima | 5,9 km |
Altitude | 931 m |
O lago Villarino é un lago arxentino situado no departamento Lácar, na provincia de Neuquén .
Toponimia
[editar | editar a fonte]Debe o seu nome ao mariñeiro e explorador galego Basilio Vilariño (ou Villarino), que nos últimos anos do século XVIII explorou a conca do río Limay, á que pertence o lago. Porén, é case seguro que nunca visitou o lago que actualmente leva o seu nome.
Xeografía
[editar | editar a fonte]Protexidas polo Parque Nacional Nahuel Huapi, as súas costas están cubertas por un denso bosque andino patagónico, en moi bo estado de conservación. Nas súas beiras abundan o coihue, a lenga e o mirto, mentres que nas augas do lago son numerosos os salmónidos, especialmente varias especies de troitas que atraen a moitos visitantes para practicar a pesca deportiva.
Este lago desauga a través dunha estreita canle, o río Villarino, duns 300 m de lonxitude, ata o lago Falkner. Desde este lago, as súas augas desembocan no río Filo Hua Hum, afluente do Caleufú, que é á súa vez é afluente do río Collón Curá, cuxas augas van dar ao río Limay.