La Ronda de Boltaña estabeleceuse en xaneiro do ano 1992, nas festas de San Paulo, coa finalidade de recuperar a ronda na festa de Boltaña, daquela desaparecida. Dende entón comezaron a roldar polo resto de lugares de Sobrarbe e arredores. Despois da publicación do seu primeiro álbum homónimo en 1996, a súa fama estendéuse alén de Sobrarbe e os Pireneos. Comezaron a dar concertos e a actuar en escenarios de todo Aragón, actividade que continuaron combinando coas súas roldas iniciais.
