La Iberia
| La Iberia Diario liberal de la mañana | |
|---|---|
 No exemplar do 12/5/1857 Manuel Murguía fai unha recensión de Rosalía de Castro. | |
| Fundación | 1854 |
| Remata | 1898 |
| Fundador | Pedro Calvo Asensio |
| Lingua | castelán |
| Localidade | Madrid (España) |
| Periodicidade | diaria |
| ISSN | 1130-7536 |
| Descrito por | Apuntes para un catálogo de periódicos madrileños desde el año 1661 al 1870 (1894) |
| Na rede | |
 | |
| [ editar datos en Wikidata ] | |
La Iberia foi un xornal español de carácter liberal que se publicou entre 1854 e 1898, fundado por Pedro Calvo Asensio. Entre xaneiro e setembro de 1868 recibiu o nome de La Nueva Iberia.[1]
Historia
[editar | editar a fonte]La Iberia creouse en Madrid por Pedro Calvo Asensio en xuño de 1854, no seu desexo de facer un novo xornal político de carácter liberal e progresista en España. O título do diario correspondía á aspiración de alcanzar a 'unidade ibérica', é dicir, a unión de España e Portugal.
Desde as súas páxinas apoiouse a Revolución de 1854 e a figura de Baldomero Espartero para dirixir o goberno mentres que se atacaba a Leopoldo O'Donnell.
La Iberia. Diario liberal de la mañana, xunto coa súa atención preferente á política, destacaba, segundo os autores, pola rica e variada información cultural, literaria ou científica que tódolos días ofrecía nas súas páxinas, e que distaba moito da proporcionada por outros xornais madrileños do seu tempo. Estamos ante un xornal, primeiro matutino e de aparición diaria, e despois vespertino e publicado de luns a sábado, en cuxa redacción colaboraron escritores da categoría de Juan de la Rosa, Concepción Arenal, Patricio da Escosura, Gaspar Núñez de Arce ou Manuel Murguía, entre moitos outros, e cuxa principal etapa se desenvolve entre os anos 1860 e 1863, cun equipo xa consolidado, corresponsalías internacionais en Londres e París e unha actividade que, como apuntan os autores, conduciría a La Iberia ao liderado na prensa política e converteríaa en punta de lanza de iniciativas tan significativas para a vida literaria do século XIX como foi a coroación do poeta Manuel José Quintana en 1855.
En 1863 é adquirido por Práxedes Mateo Sagasta, xunto con José Abascal y Carredano, quen o dirixirá até xuño de 1866, alcanzando a súa máxima difusión e servíndolle para criticar ao goberno e preparar a Revolución de 1868.[1][2][3]
Notas
[editar | editar a fonte]- ↑ 1,0 1,1 "Ficha de catálogo. Biblioteca Nacional de España". Arquivado dende o orixinal o 07 de xuño de 2012. Consultado o 19 de marzo de 2017.
- ↑ "arteHistoria". Arquivado dende o orixinal o 18 de febreiro de 2012. Consultado o 19 de marzo de 2017.
- ↑ "Práxedes Mateo Sagasta: ingeniero y periodista". Arquivado dende o orixinal o 17 de marzo de 2012. Consultado o 19 de marzo de 2017.
Véxase tamén
[editar | editar a fonte] |
Wikimedia Commons ten máis contidos multimedia na categoría: La Iberia  |
Bibliografía
[editar | editar a fonte]- Evaristo Escaleira; Manuel González Chaira (1865). La España del siglo XIX: sus hombres y acontecimientos más notables, Volumen 1.
Ligazóns externas
[editar | editar a fonte]- La Iberia (1854-1866) Hemeroteca Digital, Biblioteca Nacional de España.
- La Iberia (1868-1898) Hemeroteca Digital, Biblioteca Nacional de España.
