Judith Hooper
| Biografía | |
|---|---|
| Nacemento | 15 de abril de 1949  (75 anos)San Francisco, Estados Unidos de América |
| Actividade | |
| Ocupación | xornalista |
 | |
Judith Hooper, nada en 1949 en San Francisco,[1] é unha xornalista norteamericana.
Hooper traballou como editora e escritora para a revista Omni. Co seu marido, Dick Teresi, coescribiu os libros The Three-Pound Universe (1986) e Would the Buddha Wear a Walkman? A Catalogue of Revolutionary Tools for Higher Consciousness (1990). Posteriormente escribiu o controvertido libro Of Moths and Men (2002), no que argumenta que os experimentos sobre a Biston betularia (bolboreta nocturna exemplo de selección natural) levados a cabo por Bernard Kettlewell entre 1952 e 1972 eran defectuosos e mesmo, implicitamente, dáse a entender que eran fraudulentos.[1] Hooper escribe no prólogo do seu libro, "Eu non son unha creacionista, pero ser acrítica sobre a ciencia é convertela nun dogma."[2] Os papeis de Kettlewell foron reexaminados por Rudge (2005) e Young (2004) que non encontraron xustificación para unha acusación de fraude, e dixeron que "Hooper non proporcionaba nin unha pequena proba que sostivese esta seria alegación".[3] O xenetista Michael Majerus investigou o asunto destas afirmacións de Hooper sobre os traballos de Kettlewell, e concluíu que ela comprendera mal a selección natural e os detalles da predación sobre a Biston betularia. Marjerus considera que este insecto é un exemplo de selección natural excelente para a súa ensinanza escolar.[4] Marjerus repetiu posteriormente en 2001-2008 experimentos similares aos de Kettlewell, que foron publicados póstumos en 2012 e que confirman a corrección das afirmacións de Kettlewell.[5][6]
Notas
[editar | editar a fonte]- ↑ 1,0 1,1 "Judith Hooper". Contemporary Authors Online. Gale. 19 de outubro de 2005. Consultado o 12 de agosto de 2008.
- ↑ Judith Hooper. Of Moths and Men. W.W. Norton, 2003. xix.
- ↑ Rudge D. W. (2005). "Did Kettlewell Commit Fraud? Re-examining the Evidence". Public Understanding of Science 14 (3): 249–268. PMID 16240545. doi:10.1177/0963662505052890.
- ↑ Michael E. N. Majerus, Industrial Melanism in the Peppered Moth, "Biston betularia: An Excellent Teaching Example of Darwinian Evolution in Action Arquivado 02 de setembro de 2019 en Wayback Machine.", Evolution: Education and Outreach, DOI 10.1007/s12052-008-0107-y, 2008.
- ↑ Luiggi, Cristina (1 de maio de 2012). "Mighty Moth Man". The Scientists. Consultado o 25 July 2014.
- ↑ Cook, L. M.; Grant, B. S.; Saccheri, I. J.; Mallet, J. (2012). "Selective bird predation on the peppered moth: the last experiment of Michael Majerus". Biology Letters 8 (4): 609–612. PMC 3391436. PMID 22319093. doi:10.1098/rsbl.2011.1136.
