Juan Nóvoa
| Biografía | |
|---|---|
| Nacemento | 1898  (125/126 anos)Ourense, España |
| Datos persoais | |
| País de nacionalidade | España |
| Actividade | |
| Ocupación | tipógrafo , político |
Juan Ángel Nóvoa Nóvoa, coñecido como Bicho bravo, nado en Ourense cara a 1898, foi un tipógrafo e político galego.
Traxectoria
[editar | editar a fonte]Tipógrafo en Ourense. Afiliado ao Partido Comunista, foi redactor de La Zarpa e colaborador de El Soviet. Foi elixido secretario da Casa do Pobo de Ourense en 1931,[1] e secretario da Asociación de Inquilinos de Ourense en outubro de 1933.[2] Foi membro do Comité Executivo provincial do PCE de Ourense.[3] Co golpe de Estado do 18 de xullo de 1936 estivo agochado co seu irmán Manuel nunha especie de cova construída por eles no soto do edificio no número 37 da rúa Raíña Vitoria de Ourense. Descubertos, foron detidos o 5 de abril de 1937.[4][5] Xulgado en Ourense por adhesión á rebelión, foi condenado a pena de morte, logo conmutada por cadea perpetua. Abríronlle expediente de responsabilidades políticas. Estivo preso no Reformatorio de Adultos de Ocaña, do que saíu en liberdade condicional en setembro de 1952.[6] Despois exiliouse.
Vida persoal
[editar | editar a fonte]Casou con Dolores Barreiro Gómez, que finou en setembro de 1943, e foi pai de Carmen, Angelines, Máximo, Sara e Dolores Nóvoa Barreiro.[7]
Notas
[editar | editar a fonte]Véxase tamén
[editar | editar a fonte]Bibliografía
[editar | editar a fonte]- Santidrián Arias, Víctor Manuel (2003). Historia do PCE en Galicia (1920-1968). Sada: Do Castro. ISBN 978-84-8485-079-3.
Ligazóns externas
[editar | editar a fonte]- Juan Nóvoa na base de datos do proxecto Nomes e voces.