José dos Santos Ferreira
| Biografía | |
|---|---|
| Nacemento | 28 de xullo de 1919  Macau portugués, Imperio Portugués |
| Morte | 24 de marzo de 1993 (73 anos) Hong Kong, República Popular da China |
| Actividade | |
| Ocupación | poeta |
| Pseudónimo literario | Adé |
| Premios | |
José Inocêncio dos Santos Ferreira CvIH, nado en Macau o 28 de xullo de 1919 e finado en Hong Kong o 24 de marzo de 1993, máis coñecido por Adé, foi un poeta de Macau e gran defensor do patuá macaense, lingua crioula da rexión.[1][2]
Traxectoria
[editar | editar a fonte]Naceu o 28 de xullo de 1919 e viviu en Macau a meirande parte da súa vida. O seu pai, Francisco dos Santos Ferreira, era un portugués oriundo de Portugal e a súa nai, Florentina María dos Pasos, era unha macaense.[1]
Alén de poeta e defensor do patuá, José dos Santos Ferreira foi un funcionario público, desempeñando nesa calidade as funcións de xefe da secretaría do Liceu Nacional Infante D. Henrique.[3] Despois de xubilado, foi secretario-xeral da Sociedade de Turismo e Diversións de Macau (STDM) e profesor de portugués a alumnos chineses. Foi tamén un colaborador asiduo do "China Mail" de Hong Kong, da axencia de noticias norteamericana "Associated Press" e de moitos xornais portugueses editados en Macau, como o semanario "O Clarim".[2]
Gran parte da súa vida, Adé dedicouse á divulgación do patuá macaense, sendo o último poeta popular macaense que deixou unha vasta obra composta de poemas, recitais, pezas de teatro, libros, programas radiofónicos e operetas en patuá macaense.[2]
O 3 de setembro de 1979 foi condecorado co grado de Cabaleiro da Orde do Infante D. Henrique.[4], e en 1984 o Gobernador de Macau atribuíulle a Medalla de Mérito Cultural.[2] O Goberno de Macau homenaxeouno ao mandar erguer unha estatua no Xardín das Artes.[3]
Morreu en Hong Kong, o 24 de marzo de 1993, con 73 anos de idade.
Obras
[editar | editar a fonte]- Escandinávia, Região de Encantos Mil (1960)
- Macau sa Assi (en patuá) (1968)
- Qui Nova, Chencho (en patuá) (1974)
- Papiá Cristâm di Macau: Epitome de gramática comparada e vocabulário : dialecto macaense. Macau: [s.n.] (1978)
- Bilhar e Caridade (poesías) (1982)
- Camões, Grándi na Naçám (en patuá) (1982)
- Poéma di Macau (poesías, en patuá) (1983)
- Macau di tempo antigo: Poesia e prosa: dialecto macaense. Macau: edição do autor (1985).
- Nhum Vêlo (en patuá) (1986)
- Poéma na língu maquista (Poesia em papel-de-arroz). Macau: Livros do Oriente (1992). ISBN 9729418101
Notas
[editar | editar a fonte]- ↑ 1,0 1,1 José Inocêncio dos Santos Ferreira no macanesefamilies.com[Ligazón morta permanente]
- ↑ 2,0 2,1 2,2 2,3 Patuá - José dos Santos Ferreira "Adé" (1), no Projecto Memória Macaense
- ↑ 3,0 3,1 Macau Antigo: José dos Santos Ferreira, Adé
- ↑ "Cidadãos Nacionais Agraciados com Ordens Portuguesas". Resultado da busca de "José dos Santos Ferreira". Consultado o 2015-12-11.
