José Rey-Alvite Feás
| José Rey-Alvite Feás | |
|---|---|
| Nacemento | 1919 |
| Santiago de Compostela | |
| Falecemento | 14 de xuño de 1991 |
| Santiago de Compostela | |
| Nacionalidade | España |
| Ocupación | xornalista |
| Pai | Jesús Rey Alvite |
| Fillos | Xosé Luís Alvite |
| [ editar datos en Wikidata ] | |
José Rey-Alvite Feás, tamén coñecido como Pepe Alvite e José Rey Feás, e alcumado Yersaef e Xan da Ulla, nado en Santiago de Compostela en 1919 e finado na mesma cidade o 14 de xuño de 1991[1], foi un xornalista galego.
Traxectoria[editar | editar a fonte]
Fillo do xornalista Jesús Rey Alvite e de Concepción Feás Mourelle, e irmán do tamén xornalista Jesús Alvite. Colaborou en diversos medios de comunicación. Dentro dos medios escritos, en El Pueblo Gallego, La Noche, La Voz de Galicia e El Correo Gallego. Nos medios radiofónicos, colaborou na compostelá Radio Galicia, co alcume de Xan da Ulla[2]. Foi empregado da delegación territorial de Televisión Española en Galicia.
Unha rúa compostelá leva o nome Irmáns Rey Alvite en lembranza súa e do seu irmán Jesús.
Vida persoal[editar | editar a fonte]
Casou con Leonor Martínez Vázquez, coa que tivo tres fillos: Jesús (nado en maio de 1948[3] e finado o 12 de outubro de 1984[4]) José Luis e Manuel Ángel.
Notas[editar | editar a fonte]
- ↑ ABC, 15-6-1991, p. 49.
- ↑ El Pueblo Gallego, 15-10-1949, p.2.
- ↑ La Noche, 3-5-1948, p. 2.
- ↑ El Correo Gallego, 13-9-2009.
