José Manuel Costas
Biografía | |
---|---|
Nacemento | 17 de novembro de 1966 (57 anos) Vigo, España |
Datos persoais | |
País de nacionalidade | España |
Actividade | |
Ocupación | emprendedor |
Lingua | Lingua castelá |
José Manuel Costas Estévez, nado en Vigo o 17 de novembro de 1966, é un empresario galego do sector da construción, que se atopa na lista das 70 persoas máis buscadas de Europa.
Traxectoria[editar | editar a fonte]
Carpinteiro de profesión, comezou a traballar en Las Cinco Jotas, a empresa de fabricación de casas de madeira[1] que fundara o seu pai. Como xestor do grupo, foi creando máis empresas, dedicadas a distintos sectores, e pertencentes ao mesmo grupo empresarial. Parte do beneficio do grupo procedía da evasión fiscal[2], nunha rede na que se viron implicadas ata 200 outras empresas galegas. En 2010 foi detido, e o proceso xudicial que acabou coa súa condena a catro anos e nove meses de cárcere, estendeuse ata 2016 e repartiuse ata en cen procesos diferentes, con 83 sentenzas condenatorias. Por esa razón o seu irmán, Jacobo Costas, así como outras persoas vinculadas á súa administración, foron tamén condenadas e entraron en prisión. José Manuel Costas declarara que o obxectivo da rede era o pagamento de diñeiro a políticos por parte de empresas que recibían concesións e contratos de obra pública[3], mais non foi probado.
En xullo de 2016, cando Costas debía ingresar no cárcere da Lama, fuxiu e pasou a estar en paradoiro descoñecido. Chegou a figurar na lista das persoas máis buscadas de Europa, que xestiona a Europol[4]. En setembro de 2017, informacións non contrastadas publicadas pola prensa situábano en Xenebra[5].
Notas[editar | editar a fonte]
- ↑ "Gallego, 50 años, 1,77 m.: de carpintero a la lista de los más buscados por Europol. Noticias de España". El Confidencial (en castelán). Consultado o 2018-03-27.
- ↑ "Diez directivos de banca se enfrentan a cárcel por el fraude de las 5 Jotas". La Voz de Galicia (en castelán). 2015-10-24. Consultado o 2018-03-27.
- ↑ Atlántico. "José Manuel Costas: Las empresas pagaban a políticos'". Atlántico (en castelán). Consultado o 2018-03-27.
- ↑ "Europe's most wanted". eumostwanted.eu (en inglés). Consultado o 2018-03-27.
- ↑ "Britain and Europe's most wanted men on the run together". Sky News (en inglés). Consultado o 2018-03-27.