José Antonio González-Santelices

Na Galipedia, a Wikipedia en galego.
Saltar ata a navegación Saltar á procura
José Antonio González-Santelices
Nacemento1907
Falecemento1936
 Valladolid
CausaFusilamento
NacionalidadeEspaña
Ocupaciónpolítico, avogado, xornalista e escritor
editar datos en Wikidata ]

José Antonio González-Santelices Cayón, finado en 1936,[1] foi un político republicano, escritor en lingua castelá, avogado e xornalista español.

Traxectoria[editar | editar a fonte]

Foi redactor durante varios anos do xornal castelán El Norte de Castilla e, máis tarde, redactor xefe. Ocupou o cargo de secretario da Confederación Hidrográfica do Douro.[1]

Foi defensor do labor da Sociedade de Estudos Casteláns, de León Corral y Maestro e Narciso Alonso Cortés, en 1928.[2]

En marzo de 1931, con outros republicanos, formou parte da comitiva que se entrevistou co gobernador de Valladolid para pedir "que se concedese rapidamente unha ampla amnistía que comprenda a cantos españois, tantos civís como militares, que estean presos, procesados, condenados ou expatriados por delitos políticos e sociais e, de modo especial, como consecuencia dos sucesos de último decembro; e esixir as responsabilidades oportunas á forza pública polo proceder ante os sucesos estudantís de Madrid, e que se decrete, axiña, a destitución do director xeral de Seguridade Emilio Mola".[3]

En 1931 militaba en Acción Republicana, partido do que era secretario primeiro en Valladolid.[4] En 1934 era contador do Concello de Valladolid e foi Secretario da Comisión local executiva do V Congreso Nacional de Regas (Valladolid, 1935).[5]

Cofundou e foi membro da Asociación de Escritores Rexionalistas Casteláns en maio de 1936.[6]

Obras[editar | editar a fonte]

  • Limiar de El amor y el dolor en la tragicomedia de Calisto y Melibea: (notas al margen de la Celestina) (Valladolid: Imprenta Castellana, 1927), de Teófilo Ortega.

Notas[editar | editar a fonte]

  1. 1,0 1,1 El Norte de Castilla[Ligazón morta] (consulta: 17-5-2014)
  2. Heraldo de Zamora nº 10547, 21 de decembro de 1928, p. 3
  3. Artigo[Ligazón morta] en El Norte de Castilla, 29 de marzo de 2011 (consulta: 17-5-2014)
  4. PALOMARES IBÁÑEZ, J. M. (1996): La Segunda República en Valladolid: agrupaciones y partidos políticos. Universidad de Valladolid: Secretariado de Publicaciones e Intercambio Científico, páx. 45.
  5. V Congreso Nacional de Regas (Valladolid), p. 13
  6. ABC, 27 de maio de 1936, p. 40