Joaquín Quiroga Espín
| Biografía | |
|---|---|
| Nacemento | 1880  Madrid, España |
| Morte | 1971 (90/91 anos) Madrid, España |
| Datos persoais | |
| País de nacionalidade | España |
| Actividade | |
| Ocupación | político |
| Lingua | Lingua castelá |
| Familia | |
| Pais | Benigno Quiroga Ballesteros e Julia Espín y Pérez de Collbrand |
Joaquín Quiroga Espín, conde de Quiroga-Ballesteros, nado en Madrid en 1880 e finado na mesma cidade en 1971, foi un avogado e político galego, benfeitor do concello de Sarria.
Traxectoria[editar | editar a fonte]
Fillo de Benigno Quiroga Ballesteros (da familia Quiroga da Casa Grande da Pobra de San Xiao) e de Julia Espín, era irmán do tamén deputado Luis Quiroga Espín. Casou con María Josefa Díaz Gutiérrez.
Adscrito ao Partido Liberal, foi deputado a Cortes polos distritos de Quiroga (1907-1914) e Lugo (1914-1923). Foi Subsecretario do Ministerio de Graza e Xustiza e director xeral de Obras Públicas. Primeiro Conde de Quiroga-Ballesteros por Real Decreto de 12 de marzo de 1931, Gran Cruz da Orde de Isabel a Católica.
Fillo adoptivo de Sarria[editar | editar a fonte]
O 1 de maio de 1918 inaugurouse a traída de augas para a vila de Sarria, despois de máis de dez anos de xestións. Desta maneira a antiga Fonte Ribeira e os escasos pozos de que se surtían as casas deron paso a un caudal que axiña foi insuficiente. Na sesión ordinaria do Concello celebrada o 27 de abril de 1918 o alcalde don Manuel Gutiérrez Castro di que "se aproximaba a satisfacción dunha grande necesidade, día arelado por todos". E como para a consecución de tal mellora interpuxera un grande valemento o Deputado pola circunscrición Joaquín Quiroga Espín, e grazas a el se verá realizado "o que se consideraba dificilísimo, senón imposible", e como só este feito é suficiente para que o pobo de Sarria deba eterna gratitude ó seu protector, o deputado Sr. Quiroga, quen xa noutras ocasións demostrou a súa predilección por esta vila, e aínda que é pouco para os seus merecementos e como prefacio do mais que se poida facer como bos agradecidos, propón que se declare fillo adoptivo e predilecto de Sarria, o que se aproba por unanimidade.
En sesión do Concello celebrada o 24 de novembro de 1919 acordouse pagarlle o gasto de 202,50 pts. a Cipriano Santos pola confección do título de fillo adoptivo e predilecto de Sarria a favor de Joaquín Quiroga Espín.
