Jeffrey Nape

Jeffrey Nape

Biografía
Nacemento	1964
Morte	8 de xullo de 2016 (51/52 anos) Port Moresby, Papúa Nova Guinea
Governador-geral da Papua Nova Guiné (pt)
13 de decembro de 2010 – 20 de decembro de 2010 ← Paulias Matane – Michael Ogio →
Speaker of the National Parliament of Papua New Guinea (en)
13 de agosto de 2007 – 3 de agosto de 2012
Speaker of the National Parliament of Papua New Guinea (en)
28 de maio de 2004 – 13 de agosto de 2007
Governador-geral da Papua Nova Guiné (pt)
28 de maio de 2004 – 29 de xuño de 2004
Datos persoais
País de nacionalidade	Papúa Nova Guinea
Actividade
Ocupación	político
Partido político	Triumph Heritage Empowerment Rural Party (en)
Premios  Companion of the Order of St Michael and St George (en)

Jeffrey Nape, nado en 1964 e finado o 8 de xullo de 2016, foi un político papuano que ocupou o cargo de Presidente do Parlamento de Papúa Nova Guinea desde o 28 de maio de 2004 até o ano 2012. Ao ocupar ese posto converteuse en dúas ocasións en Gobernador xeral interino, por estar este posto vacante concluído os mandatos de Bill Skate en 2004 e o de Paulias Matane en 2010.

Cesou como gobernador o 29 de xuño de 2004, ao ser nomeado Paulias Matane para o cargo. Despois das eleccións xerais de 2007, Nape volveu a ser elixido presidente do Parlamento o 13 de agosto do mesmo ano. Derrotou nunha votación ao candidato opositor, Bart Philemon, con 86 votos a favor e 22 en contra. Ese mesmo día foi confirmado no seu posto polo gobernador Matane.

Como presidente do parlamento xogou un importante rol na crise constitucional de viviu Papúa Nova Guinea nos anos 2011 e 2012. O 2 de agosto de 2011 aceptou unha proposta da oposición para elixir un novo primeiro ministro ao considerar que o que había, Michael Somare, renunciara ao cargo ao ter que deixalo en mans de Sam Abal por unha enfermidade. Peter O'Neill foi elixido primeiro ministro, mais Sam Abal recorreu a decisión aos tribunais e a Corte Suprema deulle a razón en abril de 2012 ao considerar a votación parlamentaria ilegal, ordenando que Somare volvese ao cargo. Nape negouse a cumprir esta orde do tribunal supremo ao considerar que O'Neill era o lexítimo primeiro ministro do país. O gobernador xeral, Michael Ogio, si recoñeceu a Somare como primeiro ministro en cumrpimento da orde xudicial. Ante esta decisión, o parlamento suspendeu a Ogio do seu cargo o 14 de decembro, converténdose de forma automática Nape en gobernador xeral interino. Mais a raíña Isabel II non referendou a decisión e o parlamento finalmente acabou levantando a suspensión de Ogio o 19 de decembro. A crise non se solucionou até a celebración das eleccións de xuño de 2012, coas que logo O'Neill acabaría sendo referendado no seu cargo. Nape perdeu o seu escano nestas eleccións e deixou por tanto de ser presidente do Parlamento. Nestas eleccións foi acusado por un rival da súa circunscrición de tentar subornalo para que se retirara das eleccións e así Nape tivese máis opcións de gañar.