Jacoba Felice
| Biografía | |
|---|---|
| Nacemento | (it) Jacobina Felice  século XIII Florencia |
| Morte | valor descoñecido |
| Actividade | |
| Ocupación | médica |
| Período de actividade | (Con vida en: 1322 ) |
| Lingua | Lingua italiana |
Jacoba Felice, tamén coñecida como Jacqueline Félicie, foi unha médica de orixe alemá[Cómpre referencia] de comezos do século XIV.
Traxectoria[editar | editar a fonte]
O 11 de agosto do ano 1322 foi acusada de exercer pola Facultade de Medicina da Universidade de París, cos seguintes cargos por parte do tribunal: "visitaba os enfermos, examinaba os seus ouriños, tomáballes o pulso e tocaba os seus corpos e membros". O resultado foi a inculpación e a excomuñón. Foi un caso paradigmático polo ben documentado que está, do proceso de separación na Europa cristiá das mulleres do exercicio da medicina, cun certo peso na tradición musulmá e xudía por aquel entón.
A pesar de que testemuñaron ó seu favor moitos dos seus pacientes, incluída unha criada do bispo encargado do caso que xa fora desafiuzada por varios médicos con anterioridade, foi acusada polo xurado, pois, segundo este, "un home pode curar os enfermos moito mellor que calquera muller".
Véxase tamén[editar | editar a fonte]
Bibliografía[editar | editar a fonte]
- MONTSERRAT CABRÉ I PAIRET e FERNANDO SALMÓN MUÑIZ, Poder académico versus autoridad femenina: la Facultad de Medicina de París contra Jacoba Félicié (1322), 1998 (en castelán).
- TOVA NAVARRA, The encyclopedia of complementary and alternative medicine, páx. 246, 2004, ISBN 0-8160-4997-1 (en inglés).
- A. L. WYMAN, The Surgeoness: The female practitioner of surgery 1400-1800, páx. 4, 1984 (en inglés).
Outros artigos[editar | editar a fonte]
- A ciencia ten nome de muller (en Wikibooks)