Illa Perdiguera

Illa Perdiguera coa illa Mayor ó fondo.

A Illa Perdiguera é unha illa volcánica situada no centro do Mar Menor, non lonxe da Illa Mayor (Murcia, España). Cara ao Sueste escíndese nunha península que non supón senón un illote unido á Illa Perdiguera por un tómbolo; esta península adóitase considerar como illa, á que se denomina Illa Esparteña, por abundar nela o esparto. A illa Perdiguera é a segunda máis grande das que salpican o Mar Menor (25'8 hectáreas) e tamén a máis degradada debido ao turismo. Conta con seis embarcadoiros e tres restaurantes situados no istmo que une a illa coa península de Illa Esparteña. Espalladas pola illa hai varias construcións, gran parte delas en ruínas. Moi frecuentada polos excursionistas e veraneantes; hai servizos regulares de barcos desde o 5 de xuño ata o 30 de decembro, que saen desde Santiago de la Ribera e Los Alcázares. Paisaxe Protexida.