Idiopatía

Na Galipedia, a Wikipedia en galego.

Idiopatía é unha enfermidade ou doenza de orixe descoñecida[1]. Idiopático é un adxectivo usado principalmente en medicina, que significa de aparición espontánea ou de causa descoñecida[2]. A combinación de raíces do grego significa "unha enfermidade de etioloxía descoñecida".

Etimoloxía[editar | editar a fonte]

Do grego ἴδιος, idios (propio, particular) + πάθος, pathos (enfermidade, sufrimento), co significado de "unha enfermidade dun tipo particular ou propio".

Características[editar | editar a fonte]

Tecnicamente é un termo da nosoloxía, a clasificación das doenzas. Para moitos destes, unha ou varias causas son algo mal entendidas, pero nunha porcentaxe da poboación con esa enfermidade a causa pode non ser realmente aparente ou caracterizada. Neses casos, dise que a orixe desa condición é "idiopática".

Nalgunhas enfermidades, a comunidade médica non pode establecer unha causa clara na maioría dos casos (exemplo: glomeruloesclerose idiopática) [3] e noutros trastornos, con todo, as causas idiopáticas son nunha pequena porcentaxe (exemplo: fibrose pulmonar).[4] A medida que a medicina e os avances científicos se producen en relación a unha enfermidade, descobríronse as causas e diminúe a porcentaxe de casos designados como idiopáticos.

Notas[editar | editar a fonte]

  1. "Idiopatía, páx. 393" (PDF). edu.xunta.gal; DXPL; Dicionario galego de termos médicos. Consultado o 14 de xullo de 2022. 
  2. "Dicionario RAG; idiopático, -a". Real Academia Galega. Consultado o 2022-07-15. 
  3. Daskalakis N, Winn M (2006). "Focal and segmental glomerulosclerosis". Cell Mol Life Sci 63 (21): 2506—2511. PMID 16952054. 
  4. "Medical Encyclopedia: Idiopathic pulmonary fibrosis". MedlinePlus. Consultado o 13 de febreiro de 2007. 

Véxase tamén[editar | editar a fonte]