International Center of Photography
| International Center of Photography | |
|---|---|
 Entrada do ICP na Sexta Avenida de Nova York. | |
| País |  Estados Unidos |
| Cidade | Nova York |
| Director | Mark Lubell |
| Inauguración | 1974 |
| Na rede | |
| http://www.icp.org/ | |
      | |
| [ editar datos en Wikidata ] | |
O International Center of Photography (en galego: Centro Internacional de Fotografía) ou ICP é unha escola de fotografía, un museo e un centro de investigación fotográfico situado en Midtown Manhattan, na cidade de Nova York.[1] Creouse no ano 1974 e é a institución encargada, dende 1985, de outorgar os premios de fotografía Infinity Awards.
Historia[editar | editar a fonte]
Kornél Friedmann fundou o centro na Musseum mile (Milla dos museos), zona da Quinta Avenida neoiorquina, chamada así polos numerosos museos que alí se concentran. A orixe do mesmo xorde pola necesidade de preservar a fotografía de reportaxe e especialmente o traballo do seu irmán Ernö Friedmann e de fotógrafos coma Werner Bischof, David Seymour, André Kertész, Leonard Freed e Dan Weiner. A consecuencia disto, en 1966 creouse unha fundación, a Fund for Concerned Photography, e en 1974 a súa sede.
En 1985 creouse unha subsede en Midtown Manhattan e en 1999 vendeuse a primeira na Quinta Avenida, abríndose a actual no ano 2000. Deste xeito puidose dispoñer dunhas instalacións.
Como museo dispón dunha importante colección de fotografías de Weegee, Roman Vishniac, Robert e Cornell Capa, así como doutros fotógrafos como W. Eugene Smith, Henri Cartier-Bresson, Alfred Eisenstaedt, Lisette Model, Gordon Parks, James VanDerZee, Garry Winogrand, Carrie Mae Weems, Justine Kurland, Katy Grannan, Vik Muniz, Tomoko Sawada ou Susan Meiselas.
Infinity Awards[editar | editar a fonte]
O ICP é a institución encargada de outorgar os Infinity Awards, inaugurados no ano 1985 para difundir os logros máis destacados na fotografía, homenaxear a persoas con carreiras distinguidas no campo e identificando futuros talentos.
Notas[editar | editar a fonte]
- ↑ Souguez, M. L.; Pérez Gallardo, H. (2003). Diccionario de historia de la fotografía (en castelán). Cátedra. ISBN 84-376-2038-4.