Heaven Upside Down

Heaven Upside Down
Álbum de Marilyn Manson
Publicado	6 de outubro de 2017
Estudio(s)	Abattoir Studios, Studio City, California
Duración	47:29
Xénero(s)	metal industrial, punk rock, glam rock, rock gótico
Selo(s)	Loma Vista, Caroline
Produtor	Tyler Bates
Cronoloxía
Na rede
	[ editar datos en Wikidata ]
	v; c; e;

Heaven Upside Down é o décimo álbum de estudio da banda estadounidense de metal industrial Marilyn Manson, publicado o 6 de outubro de 2017 a través dos selos Loma Vista Recordings e Caroline International. O disco tiña o título de traballo Say10 e inicialmente ía ser editado o día de San Valentín. Porén, o lanzamento adiouse debido a que Manson non estaba contento coa calidade do disco nesas datas, a banda tiña concertos comprometidos, e o produtor Tyler Bates tiña programados traballos con varias bandas sonoras. Posteriormente adiouse aínda máis debido á morte do pai de Manson, Hugh Warner, que morreu durante a produción do traballo e ao que a banda dedicou o álbum.

O disco conta con moitos dos músicos que participaron no anterior álbum da banda, The Pale Emperor, como Bates e Gil Sharone. Twiggy Ramírez, baixista da banda durante moitos anos, non participou nas sesións de gravación a pesar de que inicialmente Manson suxeríu que podería facelo. Twiggy deixou o grupo despois do lanzamento do álbum despois de que unha antiga moza o acusase de violación. Foi substituído nos seguintes concertos polo antigo baixista de The Mars Volta Juan Alderete.

Listaxe de cancións

Todas as letras escritas por Marilyn Manson, toda a música composta por Tyler Bates.

N.º	Título	Duración
1.	"Revelation #12"	4:42
2.	"Tattooed in Reverse"	4:24
3.	"We Know Where You Fucking Live"	4:32
4.	"Say10"	4:18
5.	"Kill4Me"	3:59
6.	"Saturnalia"	7:59
7.	"Jesus Crisis"	3:59
8.	"Blood Honey"	4:10
9.	"Heaven Upside Down"	4:49
10.	"Threats of Romance"	4:37
47:29

Heaven Upside Down
N.º	Título	Duración
11.	"Kill4Me" (Mystery Skulls Remix)	3:39
51:08

Notas