Guillermo Fernández Vara
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde febreiro de 2015.) |
.jpg) (2022)  | |
| Biografía | |
|---|---|
| Nacemento | 6 de outubro de 1958 Olivenza |
| Morte | 5 de outubro de 2025 (66 anos) Badaxoz |
| Causa da morte | cancro de estómago |
| Lugar de sepultura | Olivenza |
 Senador de España | |
| 20 de xullo de 2023 – 5 de outubro de 2025 | |
 Presidente de Estremadura | |
| 4 de xullo de 2015 – 17 de xullo de 2023 ← José Antonio Monago Terraza – María Guardiola → | |
| Presidente de Estremadura | |
| 29 de xuño de 2007 – 7 de xullo de 2011 ← Juan Carlos Rodríguez Ibarra – José Antonio Monago Terraza → | |
 Deputado da Asemblea de Estremadura | |
| 17 de xuño de 2003 – 19 de xuño de 2024 Circunscrición electoral: Badaxoz | |
| Datos persoais | |
| Educación | Universidade de Córdoba - medicina Universidade de Estremadura College of San Jose, Villafranca de los Barros (en)  |
| Actividade | |
| Ocupación | político, profesor universitario, forense |
| Empregador | Universidade de Valencia Universidade de Estremadura |
| Partido político | Partido Socialista Obreiro Español (1988–2025) |
| Premios | |
    | |
Guillermo Fernández Vara, nado en Olivenza o 6 de outubro de 1958 e finado en Badaxoz o 5 de outubro de 2025, foi un médico e político socialista español que foi presidente de Estremadura, primeiro entre 2007 e 2011 e de novo dende o 7 de xuño de 2015 ata xuño de 2023.
Traxectoria
[editar | editar a fonte]Fillo dun xuíz destinado en Olivenza e dunha oliventina, estudou nun centro dos xesuítas de Villafranca de los Barros EXB, Bacharelato e COU; logo marchou estudar medicina á Universidade de Córdoba ata se licenciar en 1983. Tres anos despois ingresou por oposición no Corpo Nacional de Médicos Forenses e foi profesor colaborador de medicina legal na Universidade de Valencia (1986-1987). En 1988 logrou a praza de médico forense con destino en Estremadura, e asemade asumía o posto de profesor asociado na Universidade de Estremadura.
Nesa época entrou a militar no PSOE, onde acabou exercendo postos públicos desde mediados da década de 1990. Na administración autonómica estremeña foi director xeral de Saúde pública e Consumo (1995-1996), conselleiro de Benestar Social (1996-1999), conselleiro de Sanidade e Consumo (1999-2007) e desde 2003 deputado na asemblea estremeña pola provincia de Badaxoz.
Trala negativa do daquela presidente de Estremadura, Juan Carlos Rodríguez Ibarra de ser de novo candidato á Presidencia da Xunta, o día 20 de setembro a Comisión Executiva Rexional do PSOE aclamaba por unanimidade a Fernández Vara como candidato á presidencia nas eleccións de 2007. Eses comicios gañounos o PSOE por maioría absoluta, co 52% dos votos e 25 puntos por riba do PP. Por conseguinte, Fernández Vara foi investido como presidente da Xunta de Estremadura o 27 de xuño de 2007. Nas eleccións de 2011 repetiu como candidato á presidencia estremeña, mais o seu partido quedou en segundo lugar tras o PP. A abstención de Izquierda Unida fixo posible que o candidato popular José Antonio Monago lograse a presidencia da Xunta de Estremadura, mantendo Fernández Vara a secretaria xeral do PSOE estremeño e sendo de novo candidato polo PSOE á presidencia nas eleccións de 2005.
Vida persoal
[editar | editar a fonte]Fixo público que padecía cancro de estómago, do que foi operado en 2024.
 |
Wikimedia Commons ten máis contidos multimedia na categoría: Guillermo Fernández Vara |
