Good Company

Na Galipedia, a Wikipedia en galego.
Saltar ata a navegación Saltar á procura

Good Company é unha canción que forma parte do álbum A Night at the Opera, editado en 1975 pola banda de rock inglesa Queen.

Brian May, o guitarrista, foi o autor da canción e era tamén quen a icantaba, ao tempo que tocaba o banjo, nas actuacións en directo, que substituíu por un ukelele na versión gravada.

A canción, inspirada na vida do pai do compositor, narra a historia dun rapaz ao que o seu pai lle daba consellos para saber elixir as compañías. Logo, ao ir pasando o tempo, casa e vai perdendo interese polos seus amigos e estes van desaparecendo, e así vai facéndose vello.

Ao final fala un home de idade avanzada que narra a historia e experiencias da súa vida, porque xa non ten a quen máis contarllas.

Ficha técnica[editar | editar a fonte]

  • Brian May: guitarra, ukelele ou banjo, composción e voz.
  • John Deacon: baixo.
  • Roger Taylor: batería.