Gino Canese
| Biografía | |
|---|---|
| Nacemento | 18 de setembro de 1920  Asunción, Paraguai |
| Morte | 6 de maio de 2008 (87 anos) Asunción, Paraguai |
| Actividade | |
| Ocupación | microbiólogo, escritor |
| Familia | |
| Cónxuxe | Natalia Krivoshein de Canese |
| Fillos | Jorge Kanese, Ricardo Canese |
Arquímedes Tomás Gino Canese Prezioso, nado en Asunción o 18 de setembro de 1920 e finado id. o 6 de maio de 2008; foi un biólogo, contista, médico e novelista paraguaio, pioneiro no estudo da parasitoloxía en Paraguai.[1][2]
Biografía
[editar | editar a fonte]Canese naceu en Asunción, capital do Paraguai, o 18 de setembro de 1920, no seo unha familia de inmigrantes italianos. Recibiu educación médica e traballou como médico ata a guerra civil paraguaia en 1947. Posteriormente, dedicouse ao traballo científico, estudando microbioloxía e parasitoloxía. Durante máis de 30 anos, dirixiu a Cátedra de Bacterioloxía e Parasitoloxía da Facultade de Ciencias Médicas da Universidade Nacional de Asunción, e exerceu como primeiro xefe do Departamento de Microbioloxía da Pontificia Universidade Católica de Chile en Villarrica. Foi redactor xefe da Revista Paraguaia de Microbioloxía,[3] centrando a súa investigación na enfermidade de Chagas.[2]
Na última década da súa vida, dedicouse á actividade literaria, publicando os seus traballos sobre microbioloxía e parasitoloxía médica baixo o nome de Gino Canese. Gañou notoriedade como autor de «Karai Guasu: Doctor José Gaspar Rodríguez de Francia», libro biográfico sobre o primeiro ditador paraguaio, Rodríguez de Francia.[1][4][5] Tamén publicou un libro das súas memorias da infancia, «Qué Linda Era Mi Tierra». Xunto coa súa esposa, a lingüista e tradutora Natalia Krivoshein; publicou «Guaraní para uso médico», que se converteu nunha obra de referencia no ámbito da medicina e a comunicación intercultural en Paraguai.[6]
Notas
[editar | editar a fonte]- ↑ 1,0 1,1 Méndez-Faith, Teresa (2011). Literatura Infanto-Juvenil Paraguaya de Ayer y de Hoy (PDF) (en castelán). Asunción, Paraguai: Intercontinental Editora. p. 181. ISBN 978-99953-73-01-6.
- ↑ 2,0 2,1 López Vera, Rosanna. "Gino Canese". Portal Guaraní (en castelán). Consultado o 2024-11-27.
- ↑ Ramos, Pasionaria; Canese, Jorge (2023). "Al rescate del olvido de la Revista Paraguaya de Microbiología". Revista Científica Estudios e Investigaciones (en castelán) 12 (2): 100–107. ISSN 2310-3507.
- ↑ Suárez, Victorio V. (2006). Proceso de la literatura paraguaya: perfil histórico, bibliografía y entrevistas a los más destacados escritores paraguayos (en castelán). Criterio Ediciones. p. 173. ISBN 978-99925-970-2-6.
- ↑ "“Karaí Guasú”, de Gino Canese". ABC Color (en castelán). 26 de setembro de 2004. Cultural. Consultado o 2024-11-27.
- ↑ Canese, Valentina (2019-11-30). "Aportes de Natalia Krivoshein de Canese al estudio de la lengua, la literatura y la cultura paraguaya". Ñemitỹrã (en castelán) 1 (1): 7–17. ISSN 2707-1642.