Gato (ferramenta)

Na Galipedia, a Wikipedia en galego.
Saltar ata a navegación Saltar á procura
Gato utilizado en Nascar.

O gato[1] é unha máquina empregada para a elevación de cargas pesadas mediante o accionamento manual dunha manivela ou unha panca, ou ben mediante un sistema de accionamento asistido por un motor eléctrico ou por un compresor de aire.

Diferéncianse dous tipos, segundo o seu principio de funcionamento:

  • Gatos mecánicos: normalmente válense dun sistema multiplicador baseado nunha peza roscada e nun eixo.
  • Gatos hidráulicos: baseados no principio de Pascal, aproveitan o efecto da repartición uniforme da presión a través dun fluído entre dous émbolos de distinta sección.

As formas máis comúns son as de gato de coche, e a de gato de chan ou de taller, que elevan os vehículos de maneira que se poida realizar o seu mantemento, aínda que tamén existen outros tipos de gatos especiais que teñen múltiples aplicacións na construción ou a industria.

Estes dispositivos clasifícanse xeralmente pola súa capacidade máxima de elevación (por exemplo 1,5 toneladas ou 3 toneladas), e para algunhas aplicacións tamén é importante fixar a máxima distancia á que poden desprazar a carga.

Notas[editar | editar a fonte]