Fortuna Sittard
| Fortuna Sittard | |||
|---|---|---|---|
| Nome | Fortuna Sittard | ||
| Fundación | 1 de xullo de 1968 (56 anos) | ||
| Estadio | Fortuna Sittard Stadion | ||
| Inauguración | 1999 | ||
| Capacidade | 12.500 | ||
| Propietario |  Özgür Işıtan Gün | ||
| Presidente | Özgür Işıtan Gün | ||
| Adestrador |  Danny Buijs | ||
| Liga | Eredivisie | ||
| 2022/23 | 13º | ||
| Na rede | |||
| https://fortunasittard.nl/ | |||
      | |||
| |||
Fortuna Sittard (en limburgués: Fortuna Zitterd) é un club de fútbol con sede en Sittard, Países Baixos. Milita na Eredivisie e xoga os seus partidos como local no Fortuna Sittard Stadion, con capacidade para 12.500 espectadores. Foi fundado a través da fusión dos do Fortuna 54 e do Sittardia, que se uniron como Fortuna Sittardia Combinatie o 1 de xullo de 1968.
O club foi un habitual da Eredivisie nas décadas de 1980 e 1990, con xogadores de canteira como Kevin Hofland, Mark van Bommel e Fernando Ricksen, e outros como Wilfred Bouma e Patrick Paauwe.
Historia
[editar | editar a fonte]
O Fortuna 54 gañara a KNVB Cup na tempada 1956/57, e rematara a tempada da Eredivisie en segundo lugar só por detrás do campión, o Ajax. O Sittardia era un club de menos éxito, que loitaba habitualmente contra o descenso. O Fortuna 54 gañou de novo a KNVB Cup en 1964 antes da fusión dos dous clubs en 1968 debido a dificultades financeiras.
O novo club só aguantou un ano na máxima categoría, á que non conseguiu volver ata 1982. Mantívose na Eredivisie durante as seguintes dúas décadas, coa excepción de dúas tempadas que xogou na segunda categoría entre 1993 e 1995. Ao final da tempada 1999/2000, o adestrador Bert van Marwijk marchou para unirse ao Feyenoord e o equipo descendeu á Primeira División na tempada 2001-02.[1]
Dificultades económicas (2002–16)
[editar | editar a fonte]Nos primeiros anos do século XXI o club atravesou problemas financeiros e enfrontouse á quebra durante varias tempadas. No inverno de 2003, dous dos seareiros do club gañaron a lotería e doaron todo o diñeiro do premio ao club.[2] A entidade saldou a maioría das súas débedas vendendo o seu novo estadio, o Wagner & Partners.[3]
O 19 de maio de 2009, a KNVB anunciou que retiraría a licenza do club para a tempada 2010/11. Tras acudir ao xulgado civil, esta decisión foi revogada.[4] A pesar das continuas dificultades económicas, o club comezou a recuperarse economicamente nos anos seguintes, o que motivou un éxito deportivo. O equipo clasificouse para os playoffs de ascenso á Eredivisie nas tempadas 2012/13 e 2013/14, pero non conseguiu subir de categoría.[5][6]
Cambio de donos e regreso á Eredivisie (2016-presente)
[editar | editar a fonte]O club volveu enfrontarse a problemas financeiros en 2016, o que provocou a súa compra por parte do investidor turco Işıtan Gün, que anteriormente exercera como director de operacións do Galatasaray. A tempada 2016/17 comezou de xeito difícil para o club, pero conseguiron evitar o descenso tras cambiar de adestrador e fichar novos xogadores, incluídos algúns do Galatasaray.[7]
En 2018, despois de 16 anos na Eerste Divisie, o Fortuna ascendeu á Eredivisie tras vencer 1-0 ao Jong PSV e certificar o subcampionato de liga por detrás do Jong Ajax, que non podía ascender.[8] O Fortuna Sittard rematou no 16º posto na súa tempada de regreso á máxima categoría. Con todo, debido a que a tempada foi declarada nula por mor da pandemia de COVID-19, permaneceu na Eredivisie para a tempada 2020/21.
Palmarés
[editar | editar a fonte]- Copa KNVB (2): 1956–57, 1963–64.
- Eerste División (4): 1958–59, 1963–64, 1965–66, 1994–95.
Adestradores
[editar | editar a fonte]
Notas
[editar | editar a fonte]- ↑ "Fortuna Sittard: geen toekomst, maar een fraaie historie" (en neerlandés). 3 de xullo de 2002. Consultado o 19 de setembro de 2023.
- ↑ "Help Fortuna! wint half miljoen bij staatsloterij" (en neerlandés). 6 de xaneiro de 2003. Consultado o 19 de setembro de 2023.
- ↑ "‘Geldproblemen Fortuna Sittard voorbij door verkoop stadion’" (en neerlandés). 7 de decembro de 2013. Consultado o 19 de setembro de 2023.
- ↑ "KNVB gaat licentie Fortuna Sittard intrekken" (en neerlandés). 19 de maio de 2009. Consultado o 19 de setembro de 2023.
- ↑ "Go Ahead en De Graafschap overtuigend door" (en neerlandés). 11 de maio de 2013. Consultado o 19 de setembro de 2023.
- ↑ "De Graafschap door in play-offs" (en neerlandés). 2 de maio de 2014. Consultado o 19 de setembro de 2023.
- ↑ "Fortuna Sittard haalt speler ‘met vinkje op Twitter’ van Galatasaray" (en neerlandés). 4 de xaneiro de 2017. Consultado o 19 de setembro de 2023.
- ↑ "Fortuna Sittard na zestien jaar terug in de eredivisie" (en neerlandés). 28 de abril de 2018. Consultado o 19 de setembro de 2023.