Estadio Municipal de El Plantío

Na Galipedia, a Wikipedia en galego.
Saltar ata a navegación Saltar á procura
Estadio Municipal de El Plantío
Estadio El Plantio, Burgos.jpg
Datos
Localización Burgos, España
Construción
Inauguración 13 de setembro de 1964
Estadio
Superficie Herba natural
Dimensións 105 x 70 m
Capacidade 12.200
Propietario Concello de Burgos
Localía Burgos

O Estadio Municipal de El Plantío é o estadio de fútbol da cidade de Burgos. Neste estadio disputa os partidos o equipo da cidade, o Burgos CF. Tamén foi sede do desaparecido Real Burgos.

Historia[editar | editar a fonte]

Sitúase a escasos metros do río Arlanzón. Forma parte do complexo deportivo máis importante da cidade, xunto a outras instalacións deportivas como a praza de touros, as piscinas municipais e o polideportivo.

O estadio ten as seguintes localidades de asento: - Fondo Norte - Fondo Sur - Tribuna - Lateral

A pesar de contar con bancadas cubertas tanto nos fondos como nos laterais, no inverno caracterízase polo frío como outros estadios de Castela e León, como o Nuevo Estadio Los Pajaritos en Soria ou o Estadio José Zorrilla en Valladolid. Ten unha capacidade de 12.200 espectadores unha vez suprimidas as localidades de pé e á dotación do estadio de asentos no verán de 1991. As dimensións son de 105 x 70, converténdose nun dos campos máis grandes en superficie de xogo de España; chegando as bancadas a pé de campo.

Foi estreado oficialmente o 13 de setembro de 1964 nun partido de liga ante o Indautxu, sendo o resultado de 2-0 para o equipo burgalés. En 1977 engadíronselle os fondos norte e sur e en 1987 reformáronse os baixos e os vestiarios.

Partidos internacionais[editar | editar a fonte]

O Estadio Municipal de El Plantío nunca albergou partidos da selección española absoluta, en cambio si que acolleu 3 partidos da selección española sub-21:

Partidos amigables[editar | editar a fonte]

España sub-21 1–2 Inglaterra sub-21 18 de febreiro de 1987
Asistencia: 10.000
Árbitro: Joaquín Ramos Marcos (España)
Dadie Anotado no 62º minuto 62' Rocastle Anotado no 75º minuto 75'
Cottee Anotado no 85º minuto 85'
 
España sub-21 0–1 Inglaterra sub-21 8 de setembro de 1992
Asistencia: 10.000
Árbitro: José Enrique Rubio Valdivieso (España)
Anderton Anotado no 83º minuto 83'
 

Partidos oficiais[editar | editar a fonte]

No estadio xogouse un partido de clasificación para a Eurocopa Sub-21 de 1998:

España 4–0 Chequia 7 de xuño de 1997
Asistencia: 10.000
Árbitro: Metin Tokat (Turquía)
Víctor Anotado no 16º minuto 16'
De Paula Anotado no 68º minuto 68'
Roger Anotado no 82º minuto 82' (pen.)
Felipe Anotado no 90º minuto 90'
 

Véxase tamén[editar | editar a fonte]