Piñeiro, Mugardos

Para outras páxinas con títulos homónimos véxase: Piñeiro (homónimos).

San Xoán de Piñeiro
Igrexa parroquial de San Xoán de Piñeiro.
Concello	Mugardos
Provincia	Coruña
Coordenadas	43°26′13″N 8°12′03″O
Área	1,28 km²
Poboación	465 hab. (2018)
Densidade	363,28 hab./km²
Entidades de poboación	11
[ editar datos en Wikidata ]

San Xoán de Piñeiro é unha parroquia que se localiza no leste do concello de Mugardos. Segundo o INE en 2018 tiña 465 habitantes (241 mulleres e 224 homes) distribuídos en 11 entidades de poboación, o que supón unha diminución en relación ao ano 1999 cando tiña 621 habitantes.

Ten unha extensión de 1,28 km², cunha densidade de poboación de 357,81 hab./km². Limita polo leste coa parroquia de Limodre (Fene) polo oeste coa parroquia de Franza, polo norte coa vila do Seixo, e polo sur coa vila de Barracido (Ares).

Cultura e deporte

O patrón da vila é San Xoán Bautista, e celébrase o día 24 de xuño, con verbena, sardiñada e lumeirada.

A Sociedade Cultural Recreativa e Deportiva de San Xoán de Piñeiro organiza varias competicións deportivas, entre elas o Maratón de San Xoán de Piñeiro, unha carreira popular de 10.600 metros polos concellos de Mugardos, Ares e Fene, que leva máis de 30 edicións. Esta carreira conta con versións para os máis mozos, dende os 2 anos. Tamén se organizan ao longo do ano concursos de larpeiradas, a festa do entroido, unha feira de artesanía, a festa dos callos e actividades como o encaixe de bolillos, o ioga e as manualidades. A pequena vila conta ademais cun modesto equipo de fútbol.

Preto da SCRD atópase a antiga escola de San Xoán de Piñeiro, que contaba cuns poucos alumnos ata hai uns anos atrás;^[cando?] agora^[cando?] serve de colexio electoral.

Galería de imaxes

• 
  Igrexa de San Xoán de Piñeiro
• 
  Cruceiro do Lodairo.
• 
  Capela do Lodairo

Véxase tamén

Outros artigos

• Lugares de Mugardos