Kurt Alder

Kurt Alder ( Königshütte 1902 - Colonia 1958) químico alemán que gañou o Premio Nobel de Química xunto a Otto Diels en 1950. Nado na Alta Silesia, despois da Primeira Guerra Mundial tivo que deixar a súa terra natal por razóns políticas. En 1922 comeza a estudar química na Universidade de Berlín, e posteriormente na de Kiel, onde coñece a Diels.
No ano 1934 comeza a traballar na IG Farben Industrie en Leverkusen, onde traballou no caucho sintético. En 1940 foi nomeado profesor de Química experimental e técnica na Universidade de Colonia, a pesar das dificultades ocasionadas pola Segunda Guerra Mundial continou as súas investigacións na síntese dos compostos orgánicos, publicando máis de 150 artigos neste campo. En 1950 recibiu o Premio Nobel de Química compartido con Diels polos seus descubrimentos sobre a síntese diénica (reacción Diels-Alder)