Condado de Middlesex, Massachusetts

Para outras páxinas con títulos homónimos véxase: Middlesex (homónimos).

O condado de Middlesex (en inglés Middlesex County) é un condado do estado de Massachusetts. Segundo o censo do ano 2010 a súa poboación era de 1.503.085 habitantes, sendo o 23º condado máis populoso dos Estados Unidos e o primeiro de Nova Inglaterra. Para propósitos administrativos o condado organízase en dúas rexións, Middlesex-North coa capital en Lowell, e Middlesex-South coa capital en Cambridge.

O goberno do condado abolíuse en 1997, pero os seus límites continúan describindo un distrito do estado par xurisdiccións xudiciais e para outros propósitos administrativos, como un indicador para as eleccións.