Lied der Deutschen

Das Lied der Deutschen (Facsímil da copia manuscrita de August Heinrich Hoffmanns)

Das Lied der Deutschen ou Das Deutschlandlied (“A canción dos alemáns” ou “A canción da Alemaña”) é o himno nacional de Alemaña, cuxa letra foi escrita por August Heinrich Hoffmann von Fallersleben en 1841 con música de Joseph Haydn, quen a compuxera orixinalmente en 1797 como parte dun cuarteto de cordas (Kaiserquartett). A mesma partitura, pero con texto de Leopold Haschka, foi o himno do Imperio Austrohúngaro, Gott erhalte Franz den Kaiser. Posteriormente, mantívose a melodía, pero a letra mudouse.

Situación actual

Actualmente, o himno correspóndese coa terceira estrofa. Así foi desde a fundación da República Federal de Alemaña e así se oficializó en dúas ocasións: a primeira en 1952 por un intercambio de correspondencia entre o Presidente Federal Theodor Heuss e o Canciller Federal Konrad Adenauer; o estatus foi confirmado en 1990 nun intercambio de correspondencia entre o Presidente Federal Richard von Weizsäcker e o Chanceler Helmut Kohl.

Orixes e historia

O texto xurdiu nunhas circunstancias moi concretas, cando non existía un Estado alemán, senón que o territorio estaba divido nunha morea de cidades-estados e provincias, que paseniñamente foron asimiladas cara ao goberno central de Berlín ata converterse no Imperio Alemán en xaneiro de 1871. Logo da Primeira Guerra Mundial, este texto, escrito 30 anos antes da unificación alemá, converteuse en himno nacional. A primeira estrofa «Deutschland, Deutschland über alles», malia que orixinariamente expresaba sinxelamente unha arela de unidade nacional, quedou vencellada co imperialismo alemán e, logo, co goberno nazi e a súa política abertamente expansionista. Entre 1933 e 1945, cantábase a primeira estrofa e logo o Horst Wessel Lied, o himno do partido nazi.

Letra

Deutschland, Deutschland über alles, Über alles in der Welt, Wenn es stets zu Schutz und Trutze Brüderlich zusammenhält; Von der Maas bis an die Memel, von der Etsch bis an den Belt: Deutschland, Deutschland über alles, Über alles in der Welt! Alemaña, Alemaña sobre todo, sobre todo no mundo, se sempre quédase unida fraternalmente para a protección e maila defensa. Dende o río Mosa ata o río Niemen, Dende o río Etsch ata o Belt, Alemaña, Alemaña sobre todo, ¡sobre todo no mundo! Deutsche Frauen, deutsche Treue, Deutscher Wein und deutscher Sang Sollen in der Welt behalten Ihren alten schönen Klang, Uns zu edler Tat begeistern Unser ganzes Leben lang: Deutsche Frauen, deutsche Treue, Deutscher Wein und deutscher Sang! Mulleres alemás, lealdade alemá, Viño alemán e cancións alemás Seguirán moi altamente estimados En todo o mundo, E inspirarannos fazañas nobles Toda a nosa vida. ¡Mulleres alemás, lealdade alemá, Vió alemán e cancións alemás! (Terceira estrofa, himno oficial da República) Einigkeit und Recht und Freiheit Für das deutsche Vaterland! Danach lasst uns alle streben Brüderlich mit Herz und Hand! Einigkeit und Recht und Freiheit Sind des Glückes Unterpfand; Blüh im Glanze dieses Glückes, Blühe, deutsches Vaterland. Unidade e xustiza e liberdade Para a patria alemá; Iso persigamos todos Fraternalmente con corazón e man. Unidade e xustiza e liberdade Son o voto da felicidade; Florece co brillo desa sorte, Florece, patria alemá.

Véxase tamén

Outros artigos

• Auferstanden aus Ruinen (himno da República Democrática Alemá)