Arte prerrománica

A arte prerrománica non define unha forma artística particular e concreta, senón que é unha expresión xenérica que designa calquera manifestación artística que preceda temporalmente á arte románica e que sexa posterior ao período clásico romano. Tampouco é unha denominación aplicable a unha área xeográfica determinada, senón que se fai extensiva á arte de Europa occidental en xeral.

Xa que logo, o termo prerrománico aplicaríase no temporal a todo o lapso comprendido entre mediados do século V (caída do Imperio Romano de Occidente) e principios do século XI (expansión do románico). No estilístico, aplicaríase a formas como a arte ostrogoda, longobarda, carolinxia ou a otoniana, estando representado na Península Ibérica por:

• Arte visigoda
• Arte asturiana^{[Cómpre referencia]} Referencia: Prerramirense (San Julián de los Prados...), ramirense (Santa María do Naranco, San Miguel de Lillo...), e posrramirense (San Salvador de Valdediós...)
• Arte mozárabe
• Arte de repoboación

En Cataluña, non obstante, si aparece con anterioridade ao románico propiamente dito, unha arquitectura que pode considerarse a súa antecesora nas formas e nas técnicas e que, para diferenciala da prerrománica entendida no seu sentido lato, denominouse seguindo as suxestións de Puig i Cadafalch «primeiro románico».^{[Cómpre referencia]}

Ligazóns externas

• Ars Summum: galería libre de imágenes sobre toda la Historia del Arte