Escribenta amarela

Reino:	Animalia
Filo:	Chordata
Clase:	Aves
Orde:	Passeriformes
Familia:	Emberizidae
Xénero:	Emberiza
Especie:	E. citrinella

Nome binomial

Emberiza citrinella
Linnaeus, 1758

Distribución en Galiza

A escribenta amarela, escribente amarelo^[1] ou escribenta real (Emberiza citrinella) é un paxaro (Passeriformes) de familia das escribentas (Emberizidae). É un dos representantes da familia máis comúns en Europa, onde vive dende Escandinavia central ó norte de España é de Irlanda ata Asia.

Descrición

É un paxaro robusto, de bico groso, que mide uns 16 ou 17 cm. de lonxitude e pesa de 25 a 30 gramos. Os machos teñen, na época de cría, plumaxe amarela, a cabeza é amarela brillante con algunhas listas acastañadas, á parte inferior é tamén marela, o peito vermello e as plumas que cobren as ás son de cor gris tirando a marrón. As femias son de cor castaña agrisada, con matices amarelos na gorxa e no ventre. Fora da época de cría a plumaxe do macho é semellante á da femia.

Distribución xeográfica e Hábitat

Cría en case toda Europa e boa parte de Asia. Foi introducido en Nova Zelandia en 1862, onde é agora probablemente máis abundante ca en Europa, onde diminuíu moito. En Europa e Asia máis dos exemplares son residentes, pero algúns dos que viven máis

Viven en zonas abertas nas que haxa soutos, sebes ou arbustos. No inverno forman bandadas que procuran sementes sobre os campos.

Alimentación

Aliméntanse principalmente de sementes, aínda que comen tamén insectos, en especial cando están criando.

Canto

Quixera ser escribenta
pra che escribir, meu amado;
voar coa carta no bico,
poder estar ó teu lado...

—C. Pedreira^[2]

O canto é máis axiña monótono e metálico, e amosa certas variacións que permiten diferenciar ós paxaros máis novos dos máis vellos.

Reprodución

Fan os niños no chan ou preto do chan. As femias poñen de tres a cinco ovos, que choca uns 14 días. Outros catorce días despois de rompe-la casca os paxaros novos poden xa voar.

Emberiza citrinella

Status

Nos anos 1990, calculábase que había uns 20 millóns de parellas reprodutoras de escribenta amarela. As poboacións reducíronse desde esa época. Segundo a IUCN a poboación total sería de entre 35 e-62 millóns de individuos, o que non colocaría a ave na lista de especies ameazadas

Notas

↑ Definición de Escribenta amarela no Dicionario de Galego de Ir Indo e a Xunta de Galicia.
↑ Penas Patiño, Xosé M.; Pedreira López, Carlos (1980). Guía das aves de Galicia. Ficha da escribenta real. Ilustrado por Calros Silvar. Vigo: Editorial Galaxia. p. 95. ISBN 84-7154-379-6.

Véxase tamén

Ligazóns externas

Escribenta amarela cantando en www.vogelstimmen-wehr.de (Á páxina das voces das aves) (en alemán)

[1] Definición de Escribenta amarela no Dicionario de Galego de Ir Indo e a Xunta de Galicia.

[2] Penas Patiño, Xosé M.; Pedreira López, Carlos (1980). Guía das aves de Galicia. Ficha da escribenta real. Ilustrado por Calros Silvar. Vigo: Editorial Galaxia. p. 95. ISBN 84-7154-379-6.

[1]

[2]