Encoro de Doiras
| ||||
| Tipo | encoro  | |||
|---|---|---|---|---|
| Localización | ||||
| División administrativa | Boal, España | |||
| ||||
| Afluentes | ||||
| Efluente do lago | río Navia | |||
| Características | ||||
| Altitude | 109 m | |||
O encoro de Doiras é un encoro español situado na Terra Eo-Navia do Principado de Asturias, sobre o leito do río Navia. Inaugurouse en 1934 e ten unha capacidade de 114,6 hm³[1]. Constitúe o segundo encoro construído no Navia, augas arriba do de Arbón e augas abaixo do de Salime e estruturalmente é un encoro de gravidade con 89 metros de altura, localízase na parroquia de Doiras no concello de Boal. A superficie do encoro, de 450 ha[2] esténdese tamén polos concellos de Eilao e Pezós. Aproveitase, fundamentalmente, para enerxía hidroeléctrica ao alimentar as centrais de Doiras e Silvón, cunha produción anual media de 324 GWh.
Os ríos Augüeira e Ourubio flúen ao Navia no encoro de Doiras.
Central hidroeléctrica de Doiras
[editar | editar a fonte]
A central de Doiras atópase nas proximidades da presa do encoro de Doiras. Conta con tres grupos xeradores, dous de 21MW e un de 18 MW, que entraron en explotación comercial no ano 1944. Pertencía á empresa Viesgo ata que a mercou Repsol en 2018[3] e evacua a súa enerxía a través dunha rede de 132 kV.
Central hidroeléctrica de Silvón
[editar | editar a fonte]
A central de Silvón atópase tamén nas proximidades do encoro de Doiras. Conta con dous grupos xeradores, Silvón I e Silvón II, de 40 MW cada un, que entraron en explotación comercial en 1959 e 1964, respectivamente. Pertenceu á empresa Viesgo ata a súa merca por Repsol en 2018.
Notas
[editar | editar a fonte]- ↑ "Ficha de presa: Doiras". Geo Portal.
- ↑ "Embalse:Doiras". SNCZI-IPE.
- ↑ "Repsol, segunda mayor eléctrica en Asturias tras culminar la compra de activos a Viesgo". La Nueva España. 3 de novembro de 2018.
