Emil Boc
| Emil Boc | |
|---|---|
 | |
| Nacemento | 6 de setembro de 1966 |
| Lugar de nacemento | Mărgău |
| Nacionalidade | Romanía |
| Relixión | Cristianismo ortodoxo |
| Alma máter | Universidade Babeș-Bolyai e Universidade Libre de Bruxelas |
| Ocupación | político, avogado e economista |
| Na rede | |
| http://www.emilboc.ro/ | |
 | |
| [ editar datos en Wikidata ] | |
Emil Boc, nado o 6 de setembro de 1966, é un político romanés, presidente do Partido Demócrata Liberal e antigo primeiro ministro do país.
Biografía[editar | editar a fonte]
Naceu de Ioan e Ana Boc no concello de Mărgău, Condado de Cluj, en Transilvania. Estudou na Facultade de Historia e Filosofía en Cluj e máis tarde na de Dereito, doutorouse en ciencias políticas e filosofía política e obtivo bolsas de estudo para perfeccionar os seus estudos no estranxeiro. Exerceu como avogado e profesor universitario en Cluj. Boc foi elixido deputado no ano 2000 e presidente executivo do Partido Democrático (agora Partido Demócrata Liberal) a proposta de Traian Băsescu, o entón presidente do partido. No ano 2004 presentouse á alcaldía de Cluj-Napoca enfrontándose a Gheorghe Funar, do Partido da Unidade Nacional Romanesa que fora alcalde durante doce anos. Tanto Boc como o candidato do Partido Social Demócrata superárono en votos, nunha segunda volta Boc superou ó candidato socialdemócrata, converténdose no novo alcalde. Nas eleccións municipais de 2008, Boc logrou o 76.2% dos votos.[1]
Primeiro ministro[editar | editar a fonte]
Despois das eleccións xerais romanesas de 2008 o Partido Demócrata Liberal e o Partido Social Demócrata chegaron a un acordo de goberno, o presidente Băsescu designou a Theodor Stolojan como primeiro ministro pero este rexeitou o posto, designouse entón a Emil Boc, que serve como primeiro ministro desde o 22 de decembro de 2008.
En febreiro de 2012 dimitiu logo dunha serie de protestas pola política económica. Foi substituído por Mihai Razvan Ungureanu.
Obras[editar | editar a fonte]
- Separaţia puterilor în stat, Cluj, Presa Universitară Clujeană, 2000.
- Instituţii politice şi proceduri constituţionale în România, Cluj, Editura Accent, 2003; ediţia a II-a, Cluj, Editura Accent, 2005.
- Drepturile omului şi libertăţile publice, Cluj, Editura Accent, 2003.
Notas[editar | editar a fonte]
- ↑ "Rezultatele alegerilor locale din principalele oraşe ale ţării" Arquivado 05 de decembro de 2008 en Wayback Machine., realitatea.net, 6 de xuño de 2008
Ligazóns externas[editar | editar a fonte]
- Web oficial (en romanés)
| Control de autoridades |
|
|---|
