Elísabet Benavent
.jpg) (2015)  | |
| Nome orixinal | (es) Elisabet Benavent |
|---|---|
| Biografía | |
| Nacemento | 3 de xullo de 1984 (40 anos) Gandia (España) |
| Educación | Universidade CEU Cardenal Herrera (pt)  - Licenciatura Universidade Complutense de Madrid - Mestrado |
| Actividade | |
| Campo de traballo | Literature for women (en) , comunicación visual e arte |
| Ocupación | escritora |
| Obra | |
Obras destacables
| |
| Páxina web | betacoqueta.com |
  | |
.jpg)
Elísabet Benavent, nada en Gandía (provincia de Valencia) en 1984, é unha escritora española, tamén coñecida polo seu pseudónimo Beta Coqueta. Deuse a coñecer pola saga Valeria, cuxos dereitos audiovisuais foron adquiridos recentemente por Netflix, para producir unha serie que se estreará segundo a compañía no ano 2020.
Traxectoria
[editar | editar a fonte]Comezou a súa traxectoria como escritora en 2013, momento no que publicou a súa primeira novela En los zapatos de Valeria, á que lle seguiron o resto de títulos publicados nese mesmo ano e que conforman a saga Valeria: Valeria en el Espejo, Valeria en blanco y negro e Valeria al desnudo.[1]
Tras o éxito acadado coa súa primeira saga, continuou escribindo e pronto chegaron ás librerías Persiguiendo a Silvia e Encontrando a Silvia, obras pertencentes ó Universo Silvia; Alguien que no soy, Alguien como tú e Alguien como yo, a súa Triloxía Mi Elección; Martina con vistas al mar e Martina en tierra firme, o seu Horizonte Martina; Mi isla, a súa primeira novela única; La magia de ser Sofía e La magia de ser nosotros, unha biloxía chamada Biloxía Sofía; e Fuimos canciones e Seremos recuerdos, a súa última biloxía. A súa última novela, Toda la verdad de mis mentiras, unha novela de entrega única, publicouse o 21 de febreiro de 2019.
Tratando de forma case única a figura da muller, os seus personaxes femininos caracterízanse por ser persoas normais e imperfectas, que perseguen os seus soños e loitan contra a rutina.[2]
Noutra liña, publicou un libro, na temática de autoaxuda e estilo de vida, titulado Este cuaderno es para mí que a escritora deseñou, ilustrou e pensou para que os seus lectores e lectoras escribisen desde os seus secretos, pasando polas súas aspiracións, ata os seus medos.
Licenciada en Comunicación Audiovisual e cun mestrado en Comunicación e Arte pola Universidade Complutense de Madrid, reside nesta cidade co seu marido Óscar Martínez, locutor e DJ na cadea de radio LOS40.[1][2]
Antes de adicarse a escribir libros, traballou durante seis anos no departamento de comunicación dunha multinacional e agora, á parte de cumprir o seu soño, colabora como columnista na revista Cuore.[1]
Obra
[editar | editar a fonte]Saga Valeria
[editar | editar a fonte]- En los zapatos de Valeria (2013, Suma de Letras)
- Valeria en el espejo (2013, Suma de Letras)
- Valeria en blanco y negro (2013, Suma de Letras)
- Valeria al desnudo (2013, Suma de Letras)
- El diario de Lola (2016, Suma de Letras; libro complementario)
Biloxía Silvia
[editar | editar a fonte]- Persiguiendo a Silvia (2014, Suma de Letras)
- Encontrando a Silvia (2014, Suma de Letras)
Triloxía Mi Elección
[editar | editar a fonte]- Alguien que no soy (2014, Suma de Letras)
- Alguien como tú (2015, Suma de Letras)
- Alguien como yo (2015, Suma de Letras)
- Tras las huellas de Alba, Hugo y Nico (2015, Suma de Letras; libro complementario)
Horizonte Martina
[editar | editar a fonte]- Martina con vistas al mar (2016, Suma de Letras)
- Martina en tierra firme (2016, Suma de Letras)
- Las recetas más tiernas de Martina (2016, Suma de Letras; libro complementario)
Biloxía Sofía
[editar | editar a fonte]- La magia de ser Sofía (2017, Suma de Letras)
- La magia de ser nosotros (2017, Suma de Letras)
Biloxía Canciones y recuerdos
[editar | editar a fonte]- Fuimos canciones (2018, Suma de Letras)
- Seremos recuerdos (2018, Suma de Letras)
Novelas únicas
[editar | editar a fonte]- Mi isla (2016, Suma de Letras)
- Este cuaderno es para mí (2017, Suma de Letras)
- Toda la verdad de mis mentiras (2019, Suma de Letras)
- Un cuento perfecto (2020, Suma de Letras)
Notas
[editar | editar a fonte]- ↑ 1,0 1,1 1,2 "Sobre mí". Beta Coqueta (en castelán). Consultado o 2019-03-28.
- ↑ 2,0 2,1 "Elísabet Benavent: “Para mi es importante que mis personajes demuestren que la mujer es fuerte”". La Vanguardia (en castelán). 27 de febreiro de 2019. Consultado o 2019-03-28.
