Subtitulado Semanario de las clases produtoras, apareceu o 8 de marzo de 1892. Voceiro do Centro Republicano local. Dirixido polo tipógrafo federal José C. Otero. Polémico cos liberais-monteristas e a curia católica, o seu director foi procesado por inxurias ao xuíz de Ribeira en setembro de 1892,[1] e sufriu a prohibición arcebispal en novembro dese ano logo de publicar un artigo do anarquista Anselmo Lorenzo onde se puña en cuestión a infalibilidade papal.[2] Moi influído polas correntes obreiristas, publicou a comezos de 1893 retrincos da obra de Karl MarxDas Kapital, a xeito de folletín. Cesou a súa publicación en agosto de 1893.[3]
