Subtitulado Diario de Pontevedra, apareceu o 2 de febreiro de 1883. Cambiou o seu subtítulo por Periódico defensor de los intereses morales y materiales. Posteriormente radicalizouse e adquiriu un marcado cariz político, cambiando o subtítulo por Diario de la izquierda liberal. Editado na imprenta de José Millán, estaba dirixido por Emilio Álvarez Giménez. Entre os seus colaboradores figurou Eduardo Vincenti. Cesou a súa edición non antes de outubro de 1884.
