El Correo de Lugo
El Correo de Lugo foi un periódico editado en Lugo entre 1860 e 1866.
Historia e características[editar | editar a fonte]
Subtitulado Periódico de intereses morales y materiales, apareceu o 20 de maio de 1860. Saía cada dez días. Impresa por Manuel Soto Freire, tivo como directores a José María Castro Bolaño e Manuel Vázquez de Parga.[1] Entre os redactores figuraban Nicolás Pardo Pimentel, Pedro Rozzi, Teolindo María Romero, Antonio Castro Martínez e Nicandro García Taboada. Publicación de tendencia moderada, a súa primeira época chegou ata 1861.
A segunda época, na que foi case sempre bisemanario, iniciouse o 8 de marzo de 1865. Modificou o subtítulo inicial polo de Periódico de interés general. Entre os temas que tratou destacan as polémicas sobre os foros e a introdución do ferrocarril en Galicia. Cesou a súa publicación o 27 de abril de 1866.
É posible que tivera unha terceira etapa entre 1877 e 1879 e é segura unha cuarta etapa a partir de agosto de 1899[2].
Notas[editar | editar a fonte]
- ↑ Soto (1997), p. 17.
- ↑ Revista Gallega, 232, 3-9-1899, p. 6.
Véxase tamén[editar | editar a fonte]
Bibliografía[editar | editar a fonte]
- Santos Gayoso, Enrique (1990). Do Castro, ed. Historia de la Prensa Gallega 1800-1986. Sada. ISBN 84-7492-489-8.
- Soto, Juan (1997). Manuel Soto Freire. A coruña: Xunta de Galicia. ISBN 84-453-1989-2.
