Domingos Raposo
| Biografía | |
|---|---|
| Nacemento | 17 de maio de 1952  (71 anos)Malhadas, Portugal (pt)  |
| Datos persoais | |
| País de nacionalidade | Portugal |
| Educación | Universidade do Porto |
| Actividade | |
| Ocupación | lingüista , xornalista |
| Lingua | Lingua portuguesa e lingua mirandesa |
Domingos Abílio Gomes Raposo, nado en Malhadas o 17 de maio de 1952[1] é un profesor da Universidade de Trás-os-Montes e Alto Douro (UTAD) e un dos maiores especialistas na lingua mirandesa.
Traxectoria[editar | editar a fonte]
Raposo licenciouse pola Faculdade de Letras da Universidade do Porto en 1980. Máis tarde, fixo un mestrado en historia das poboacións na Universidade do Minho. Foi redactor e coordinador do xornal Planalto Mirandês, e tamén coordinador do Projeto Cultural Integrado de Miranda do Douro. En 1985 creou a disciplina optativa de lingua mirandesa e en 1987 organizou e editou as actas das Primeiras Xornadas de Lingua e Cultura Mirandesas. Raposo escribiu varios traballos e estudos sobre a lingua mirandesa e tamén é autor de obras discográficas sobre a música tradicional mirandesa.[2][3]
Notas[editar | editar a fonte]
- ↑ "Raposo, Domingos Abílio Gomes | Spanish-Portuguese border (FRONTESPO)". www.frontespo.org. Consultado o 2 de febreiro de 2018.
- ↑ Rei, Francisco Fernández; Santamarina, Antón (1999). Estudios de sociolingüística románica: linguas e variedades minorizadas (en castelán). Universidade de Santiago de Compostela. ISBN 9788481217728.
- ↑ "Do Douro Press - - R - RAPOSO, Domingos Abílio Gomes". www.dodouropress.pt. Consultado o 2 de febreiro de 2018.
