Dispositivo de expansión
![](http://upload.wikimedia.org/wikipedia/commons/thumb/5/5b/V%C3%A1lvula_de_expansi%C3%B3n_termost%C3%A1tica.jpg/220px-V%C3%A1lvula_de_expansi%C3%B3n_termost%C3%A1tica.jpg)
Na tecnoloxía da refrixeración, un dispositivo de expansión é un elemento que diminúe a presión dun fluído refrixerante pasando dun estado de alta presión e temperatura a un de menor presión e temperatura. Ao producirse a expansión do líquido nun ambiente de menor presión, evapórase parcialmente reducíndose a temperatura ao absorber calor latente da contorna. A súa saída semella un aerosol con pequenas gotas de refrixerante en suspensión, que facilitan a posterior evaporación.
Tipos[editar | editar a fonte]
Son amplamente empregados en sistemas de refrixeración e aire acondicionado, sendo os máis comúns:
Este dispositivo ademais, e segundo o tipo, regula o caudal de refrixerante en circulación, adecuándoo á carga térmica á que se ve sometido o sistema frigorífico, así como ás temperaturas do medio de traballo.
Problemas[editar | editar a fonte]
Altera o seu funcionamento un fenómeno coñecido como "flash-gas" que consiste na aparición de burbullas de gas no líquido refrixerante que ven dende o condensador ata o dispositivo de expansión. Ao dispositivo de expansión debe chegar unicamente líquido para que regule adecuadamente o caudal de refrixerante.