Diocese católica latina de Yongnian
| Localización | ||||
|---|---|---|---|---|
| ||||
| Poboación | ||||
| Lingua usada | mandarín estándar  | |||
| Relixión | Igrexa católica | |||
| Creación | 1929 | |||
| Páxina web | hdcatholic.org | |||
A diocese de Yongnian ou Weixian (en latín: Dioecesis Iomnienina) é unha sé da Igrexa Católica Latina sufragánea da arquidiocese de Pequín. A sé está actualmente vacante.
Territorio
[editar | editar a fonte]A diocese abrangue a parte meridional da provincia chinesa de Hebei. A sé episcopal é a cidade de Handan.
Historia
[editar | editar a fonte]O 24 de maio de 1929 foi erixida a prefectura apostólica de Yongnian, co breve Quod Nobis do papa Pío XI, en territorios da vigairía apostólica de Xianxian. Pouco despois, o 6 de marzo de 1933 a prefectura foi eelvada a vigairía co breve Comperimus do mesmo Pío XI.
O 11 de abril de 1946 a vigairía foi elevada a diocese, coa bula Quotidie Nos do papa Pío XII.
O 20 de abril de 1958 foron por primeira vez ordenados en Xianxian algúns bispos sen a autorización da Santa Sé, entre eles un bispo para Yongnian, Wang Shouqian. Estes bispos, xa que logo, non foron recoñecidos pola Igrexa como lexítimos ordinarios das súas dioceses.[1]
O 29 de abril de 1986 foi consagrado bispo, coa aprobación da Santa Sé e do goberno chinés, Chen Bolu, retirándose en 1999 tras consagrar como bispo coadxutor a Stephen Yang Xiangtai; o 14 de novembro de 1989 fora ordenado clandestinamente o bispo Han Dingxiang, arrestado polas autoridades en 1995 e finado en prisión o 9 de setembro de 2007.
O 29 de xuño de 2011 estaba prevista a ordenación episcopal do bispo auxiliar Joseph Sun Jigen, con aprobación chinesa e vaticana. Porén, rexeitou a súa ordenación por parte dun bispo ilexítimo, polo que as autoridades anularon a cerimonia.
Episcopoloxio
[editar | editar a fonte]- Joseph Cui Shouxun (1 de xuño de 1929 - 1951 ou 1953, finado)
- Sé vacante (1951/1953 - 1988)
- Peter Chen Bolu (29 de abril de 1986, comezou a exercer en maio de 1988 - 17 de setembro de 1999)
- John Han Dingxiang (14 de novembro de 1989 - 9 de setembro de 2007, finado)[2][3]
- Stephen Yang Xiangtai (1999 - actualidade)
Notas
[editar | editar a fonte]- ↑ Yan Kejia (2004). China Intercontinental Press, ed. Catholic Church in China (en inglés). pp. 120–122. ISBN 9787508505992.
- ↑ Non aceptado polas autoridades, non chegou a exercer libremente.
- ↑ Agenzia Fides, ed. (08/10/2007). "ASIA/CHINA - In life and in death Bishop Giovanni Han Dingxiang suffered for the cause of the Gospel".
