Die Welle

Die Welle
Título     Die Welle (de)
Instancia de filme
Características  Caracterizado por filme baseado nunha obra literaria  Cor en cor  Xénero artístico cinema dramático cinema para adolescentes filme de thriller político  Formato de distribución vídeo baixo demanda  Baseado en The Wave (en) Terceira Onda  Inspirado na obra de Morton Rhue  Tema principal nazismo autoritarismo  Ambientado en Alemaña  Lingua orixinal lingua alemá
Implicados  Produtor/a Christian Becker (en)  Director/a Dennis Gansel  Compositor/a Heiko Maile (pt)  Guionista Dennis Gansel Peter Thorwarth (en)  Director/a fotografía Torsten Breuer (en)  Editor/a de cine Ueli Christen  Elenco Jürgen Vogel Lucas Hardt Johanna Gastdorf Liv Lisa Fries Lennard Bertzbach Maximilian Vollmar (pt) Tino Mewes (pt) Tim Oliver Schultz Jaime Krsto Ferkic (pt) Karoline Teska Joseph M’Barek Teresa Harder (pt) Friederike Wagner Hubert Mulzer Marco Bretscher-Coschignano Natascha Paulick (pt) Odine Johne Ferdinand Schmidt-Modrow Christiane Paul Elyas M'Barek (pt) Jennifer Ulrich Frederick Lau Max Riemelt Amelie Kiefer Alexander Held Jacob Matschenz Cristina do Rego Dennis Gansel Maximilian Mauff Maren Kroymann Ron Jones Tommy Schwimmer (pt)  Compañía produtora Constantin Film Rat Pack Filmproduktion  Distribuidor/a Constantin Film
Datas  Data de publicación 13 de marzo de 2008 (Alemaña) 2008
Historia  Participou en Prémios do Cinema Europeu 2008 (pt)  Nomeamentos Premio do público ao mellor filme europeo (2008) Premio do Cinema Europeo ao mellor actor (2008)
Cifras e dimensións  Custo    5.000.000 €  Duración    107 min
Localización  País de orixe Alemaña
Códigos e identificadores VIAF 207174900 ISAN 0000-0002-CCFD-0000-4-0000-0000-P Freebase /m/04z_pxk
Fontes e ligazóns  Páxina WEB constantin.film…  Puntuación da crítica 67% Rotten Tomatoes (5 de outubro de 2021) 5.8/10 Rotten Tomatoes (5 de outubro de 2021)
Wikidata

Die Welle (A onda en alemán) é un filme alemán realizado no 2008. Tivo un éxito satisfactorio nas grandes pantallas xermanas, pois despois de 10 semanas en cartel, 2'3 millóns de persoas vírano. A película está dirixida por Dennis Gansel.

Baséase en The Wave, novela de Morton Rhue de 1981, que á súa vez sacara a idea do experimento real da Terceira onda, feito por Ron Jones en 1967, profesor dun instituto de Palo Alto (California).

Sinopse

Durante un proxecto semanal, o profesor Rainer Wenger ensínalle aos alumnos da súa clase o tema da autocracia como forma de goberno. Os estudantes ven imposible a idea de que puidese volver unha ditadura como a do Terceiro Reich na Alemaña, pois a pesar do tempo pasado, hai arrepentimento, e a actual política e as tecnoloxías arbitrarían o proceso dun mandato novo autocrático. O profesor Rainer Wenger decide empezar un experimento cos seus alumnos para demostrar o fácil que é manipular as masas. A través do seu lema: "forza mediante a disciplina, forza mediante a comunidade, forza a través da acción, forza a través do orgullo", e seguindo o profesor un liderado grupal, cada día os alumnos crean unha nova norma. Por exemplo, o profesor logra que todos eles ao entrar na aula, en menos de 30 segundos, estean sentados con actitude atenta, resoltos a iniciar a clase. O interese da forma de como se executaban as clases creceu, facendo que alumnos doutros cursos se cambiaran para este. O popular curso votou chamarse "A Onda", e a medida que pasaban os días, esta comezou a facerse notar mediante fóra das aulas, por detrás do profesor Wenger, que acaba perdendo o control da situación.

Elenco

Instituto MarieCurie en Dallgow-Döberitz, onde se gravou a película.

• Jürgen Vogel: Rainer Wenger
• Frederick Lau: Tim
• Max Riemelt: Marco
• Jennifer Ulrich: Karo
• Christiane Paul: Anke Wenger
• Elyas M'Barek: Sinan
• Cristina do Rego: Lisa
• Jacob Matschenz: Dennis
• Maximilian Vollmar: Bomber
• Max Mauff: Kevin
• Ferdinand Schmidt-Modrow: Ferdi
• Tim Oliver Schultz: Jens
• Amelie Kiefer: Mona
• Odine Johne: Maja
• Fabian Preger: Kaschi
• Teresa Harder: Madre
• Jaime Ferkic: Bobby
• Liv Lisa Fries: Laura
• Dennis Gansel: Martin
• Johanna Gastdorf: Nai de Tim
• Gerald Alexander Held: Pai de Tim
• Thomas Sarbacher: Karos Vater

Banda sonora

A banda sonora da película publicouna a EMI alemá o 25 de maio do 2008, e contén cancións de The Subways, Kilians, Johnossi, Digitalism e The Hives, como tamén unha versión de EL*KE do clásico "Rock 'n' Roll High School" dos Ramones. A canción titulada "Garden Of Growing Hearts" foi feita pola banda berlinesa Empty Trash. A música orixinal da película foi composta por Heiko Maile, membro do grupo musical Camouflage.