Desertores
| Desertores | |
|---|---|
| Orixe | Vigo,  Galicia |
| Período | 1987 - 1996 2017 - presente |
| Xénero(s) | rock |
| Selo(s) discográfico(s) | Zafiro, CFE, CK Produccións |
| Membros | Humberto Díaz Juan Díaz Valerio Araújo Paco Araujo |
| Antigos membros | Miguel González Cholo Soto Ángel González |
Desertores é unha banda de rock de Vigo formada no ano 1987 por Humberto Heredia (guitarra, trompeta e voces), Juan Díaz (baixo e voces), Valerio Araújo (voces) e Miguel González (batería).[1] O grupo publicou unha maqueta de tres temas e dous álbums de estudio, El Desertor (1991) e El Vicio de la Carne (1993), antes de disolverse en 1996.[1] En xaneiro de 2017 Desertores reuniuse coa formación clásica agás Miguel González, substituído por Paco Araujo, realizando concertos dende entón.[2]
Historia
[editar | editar a fonte]Desertores formouse en Vigo no ano 1987 con músicos que xa tiñan experiencia noutras bandas. A súa formación inicial estaba composta polo vocalista Valerio Araújo (Clepsidra e Valores en Alza), o guitarrista Humberto Heredia (Mauser, Costa Oeste, Os Resentidos e Bombeiros Voluntarios), o baixista Juan Díaz (Averno e Costa Oeste) e o batería Ángel González (Mauser, Costa Oeste e Siniestro Total). Ángel González foi substituído por Miguel González na batería, posto que tamén ocupou Cholo Soto (Rockis Molokis, L'Uomo, Lazos, X-Film e Semen Up).[2]
Ao pouco tempo a banda gravou unha maqueta de tres temas, “No te volveré a buscar”, “El pulpo” e “No soy un degenerado”, e en 1989 fichou polo selo Zafiro.[1] O grupo estivo a piques de cambiar de nome polo de Los 4 Desertores, pero finalmente lanzarían o seu álbum de estrea, El Desertor, co nome de Desertores en 1991 a través do selo Compañía Fonográfica Española (CFE).[2]
O álbum gravouse no estudio Planta Sónica de Vigo e todos os temas agás un, unha versión de “Get off my cloud” dos Rolling Stones, teñen letras da poetisa Xela Arias.[2] O disco foi producido por Sergio Castro e nel participan, ademais do propio Castro gravando guitarras e teclados, Jorge Beltrán de Moncho e Mailo Sapoconchos gravando saxos e gaitas, Andrés Lamas coa harmónic), Jorge Barros co órgano,e Isabel Ventura e Luisa Carvalho aportando voces.[1] A banda editou tres sinxelos do álbum, "El pulpo", "Sal de mi nube" e "Que me dejes en paz".[2]
No ano 1993 Desertores lanzaron a través do selo CK Produccións o seu segundo álbum, El Vicio de la Carne, coa produción de José Taboas. O grupo finalmente disolveríase en 1996.[2]
En xaneiro de 2017[2] a banda regresou aos escenarios para realizar un acústico na tenda de disco Elepé de Vigo,[3] cunha formación composta por Humberto Heredia, Juan Díaz, Valerio Araújo e Paco Araujo,[4] e leva tocando dende entón.[3]
Discografía
[editar | editar a fonte]Álbums
[editar | editar a fonte]| Álbum | Ano | Selo |
|---|---|---|
| El Desertor | 1991 | CFE |
| El Vicio de la Carne | 1993 | CK Produccións |
Notas
[editar | editar a fonte]- ↑ 1,0 1,1 1,2 1,3 "Biografía de Desertores - La Fonoteca". lafonoteca.net (en castelán). Consultado o 2021-01-17.
- ↑ 2,0 2,1 2,2 2,3 2,4 2,5 2,6 "Grupos Nacionales Nuevaola80: Desertores (2)". Grupos Nacionales Nuevaola80. Consultado o 2021-01-17.
- ↑ 3,0 3,1 Atlántico (2018-03-16). "Desertores que no desertan". Atlántico (en castelán). Consultado o 2021-01-18.
- ↑ "Desertores - Oficial". es-es.facebook.com (en castelán). Consultado o 2021-01-18.