Dell Curry

Dell Curry
Dell Curry
Posición	Base
Dorsal	30
Altura	1,96 m (6 ft 5 in)
Peso oficial	93 kg (205 lb)
Nacemento	25 de xuño de 1964 (58 anos); Harrisonburg, Virxinia
Carreira
Universidade	Virginia Tech
NBA Draft	1986 / Rolda: 1 / Elección: 15; Por Utah Jazz
Tempadas	1986–2002
Equipo(s)
	Utah Jazz (1986–1987); Cleveland Cavaliers (1987–1988); Charlotte Hornets (1988–1998); Milwaukee Bucks (1998–1999); Toronto Raptors (1999–2002);
Estatísticas (NBA)
Puntos	12 670
Rebotes	2 617
Asistencias	1 909
Stats @ Basketball-Reference.com
Premios
	1× Mellor Sexto Home (1994);

Wardell Stephen Curry, nado o 25 de xuño de 1964 en Harrisonburg, Virxinia, é un ex xogador de baloncesto estadounidense que disputou dezaseis tempadas na NBA. Con 1,96 metros, xogaba na posición de base. Agora traballa como comentarista nos partidos de Charlotte Bobcats.

Traxectoria deportiva[editar | editar a fonte]

Universidade[editar | editar a fonte]

Xogou durante catro tempadas cos Hokies do Instituto Politécnico e Universidade Estatal de Virginia, nos que fixo 19,0 puntos, 4,8 rebotes e 3,2 asistencias por partido.^[1] En 2006 foi honrado como lenda da Atlantic Coast Conference.^[2]

Profesional[editar | editar a fonte]

Foi elixido no posto 15 do Draft da NBA de 1986 por Utah Jazz, onde só xogou unha tempada, con moi poucos minutos de xogo. Foi traspasado a Cleveland Cavaliers, onde, a pesar de mellorar ostensiblemente as súas estatísticas, foi incluído no draft de expansión da seguinte tempada, sendo elixido por Charlotte Hornets. alí transcorreu a maior parte da súa vida profesional. a pesar de saír desde o banco, as súas cifras eran o suficientemente boas como para ser elixido en 1994 como Mellor Sexto Home da NBA.

En 1999, xa con 34 anos, ficha por Milwaukee Bucks, onde só permanece unha tempada, xogando o seu tres últimos anos como profesional en Toronto Raptors. En 16 tempadas como profesional tivo unha media de 11,7 puntos e 2,4 rebotes, cun 40,2% en tiros de tres, figurando entre os 20 máximos anotadores desde esa distancia na NBA.